SRI AMAN: Norina Umoi Utot sekali agi bediri minta pilih ba Pengawa Bepilih Besai Nengeri (PRN) Sarawak Ke-12.
Taja pia serak tu iya ngujika nasip bediri ba sitak N31 Bukit Begunan ngena tikit Parti Sarawak Bersatu (PSB) bepadan enggau tiga chalun lelaki ari parti bukai.
Norina deka ngelaban penyandang penuduk nya empu, Datuk Mong Dagang (GPS-PRS), Entusa Iman (PBDSB) enggau Vinton Langgang ak Sangga (PBK).
Sebedau tu iya kala bediri minta pilih ba sitak Dun N32 Simanggang tang alah lebuh ngelaban chalun ari Barisan Nasional (BN-SUPP), Datuk Francis Harden Hollis maya PRN-11, penyandang penuduk pengelama enam penggal.
Berindik ari nya, rayat ba kelang sitak Bukit Begunan sekali tu deka milih siku ari empat manuk sabung ti dikirai parti politik ke bisi ngambi bagi.
