Nuci gaga nerima rumah PPRMS pengudah puas idup merinsa

KUCHING: Juluk ati Nuci Suhai bisi rumah ti meruan agi endur diau nyadi nyata pengudah bulih bantu di baruh Program Nyeleti Rumah Rayat Miskin Sarawak Projek Mit Pemansang Menua Pesisir (MRP-PPRMS).

Aya Nuci, 88 taun, berasai gaga enggau lantang ati pengudah dipilih nerima bantu nya.

“Terima kasih ngagai Perintah Sarawak ti nyendiaka program baka tu ti pulaika pemaik rayat kelebih agi raban diselinting,” ku Nuci.

Nuci tu asal ari Kampung Sungai Bedau, Jalai Sultan Tengah ba sitak Kunsil Nengeri (Dun) Pantai Damai.

Nuci madah, rumah iya tau disempama baka dampa, tuduh kiba kanan lalu geladak rumah mega majak repuk.

Iya enggau dua iku uchu semampai nyendiaka bisin endur nimbun ai ujan ketegal tuduh.

“Tu mih pemerinsa diasaika kami meuchu, enti ujan kami tiga begaut ngambi bisin ke nimbun ai ujan nyeliahka geladak rumah ari ke buruk,” terang iya.