ARTIKEL

Pesuruhjaya Polis Sarawak Datuk Mohamad Zainal Abdullah. Gambar fail.

Op Selamat 26 diatur enam hari

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Op Selamat 26 serimbai Hari Raya Aidilfitri deka meri perati ngagai jalai perintah besai, jalai nengeri enggau jalai besai ti suah nyadi penusah aksiden sereta jalai sekut.

Kepala Polis Sarawak, Datuk Mohamad Zainal Abdullah madah, operasyen ti diatur pengelama enam hari, belabuh ari 19 ngagai 24 March 2026 nya dipejalai Opis Pansik enggau Penerit Adat Trafik.

“Bisi 750 pegawai enggau raban polis deka dianjung gawa nentuka pengawa matau enggau nerit atur ulih dipejalai ba selampur nengeri,” ku iya.

Ku Mohammad Zainal, inisiatif nya dikena ngurang tikas aksiden kelimpah nentuka pejalai trafik lanchar belama ba timpuh entukar ti nambah maya musin pengerami.

Iya madah, inisiatif pelajar mega diberi perati dikena nambah pengeleda penguna jalai ngambi semampai ngasi ke atur enggau bejimat maya deriba.

“Kelimpah pengelikun ba jalai, operasyen nya mega meri perati ngagai pengawa nagang penyalah nyerungkai rumah kelebih agi rumah ti ditinggal puang maya peranak pulai ke menua.

“Pengawa nginau belebuh deka majak dipejalai ba genturung pendiau nentuka pengelikun peranak terus dijamin sepanjai timpuh pengerami,” terang iya.

Berebak enggau nya, ku Mohamad Zainal, mensia mayuh dipinta madah ngagai raban polis sebedau ninggalka rumah nengah mayuh pelasar ti disedia.

Ku iya, tu nyengkaum nengah aplikasyen Volunteer Smartphone Patrol (VSP), telefon ngagai balai polis besemak tauka ngisi pom meri penerang nengah website rasmi PDRM.

“Tu nentuka raban polis ulih matau seraya ngurangka risiko penyalah sepanjai musin pengerami,” ku iya nyemetak.

BERITA LAIN

Rampa menua, budaya Ulu Entabai pematak SIE

PEMANAH rampa menua, peneleba ngatur kem entukar besai ba tebing sungai sereta penyelai adat enggau budaya komuniti Iban nyadi pekara pematak raban program Sarawak Interior

Hari keterubah richah

SRI AMAN: Kompleks Lumba Sri Aman kemari richah laban mensia mayuh udah belabuh ngelawa Program Sarawakku Sayang (SKS) Sri Aman ti diatur tiga hari berunggu

BERITA TERBARU