KUCHING: Projek begunan baru Kaunsil Mengeri Padawan (MPP) di Semenggok dipelabaka berengkah digaga ujung taun tu.
Chairman MPP Lo Khere Chiang madahka projek nya diatu agi dalam proses ngelanggur langkar enggau beratika bajet.
“Projek nya agi ba pengawa dilanggur enggau nero langkar begunan.
“Taja pia, penerang pasal tu enggau Sapit Premier Sarawak Datuk Sri Prof Sim Kui Hian udah diatur,” ku iya.
Khere Chiang bejaku munyi nya lebuh ditanya pemberita rambau Pengerami Ngelalu Pengabang Taun Baru China 2023 MPP di luar opis MPP ditu, kemari.
