Opis Wilayah Sarawak sedia meri kerejasama

KUCHING: Direktor baru Opis Wilayah Sarawak, Monty Ludan andalka piak sida sedia meri kerejasama ngagai sebarang piak ti begunaka bantu.

Ku iya, sida semampai nyikap diri meri bantu enti sema dipinta kelebih agi ba pekara bekaul enggau konsulat.

“Piak kami sedia meri kerejasama nitihka pematut lalu nadai ngira sapa sida nya.

“Pekara tu beguna amat dikena nyaga pemanah kaul enggau menua luar kelimpah nyaga pemanah nama menua kitai,” ku iya.

Iya mansutka jaku nya lebuh dirandau pemberita pengudah ngatur pejalai nemuai meri basa ngagai Tuai Pemegai Menua (TYT) Sarawak Tun Pehin Sri Abdul Taib Mahmud ditu, kemari.

Sebedau tu iya kala dianjung gawa ba Opis Konsulat Malaysia di menua luar.

Kelimpah ari nya, iya mega ex-Ketuai Penulung Sekretari ba Bagi Pekara Protokol Opis Menteri Luar.

Pia mega ku iya, tuju penemuai nya semina deka bekelala enggau Tun Tain lalu nadai sebarang pekara bukai ti berat dikerandau.

SELAMAT BEKELALA… Ludan nyuaka tepa ngagai Tun Taib ke pengingat seduai.