ARTIKEL

Penguang (enam kiba) enggau bala pemesai bukai ngulu pengawa 'toasting' ti diuluka Jabu (lima kiba). - Foto: UKAS

Orang dagang Bumiputera patut nyikap diri napi pemar ekonomi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Orang dagang Bumiputera patut nyikap diri napi pemar ekonomi enti sida deka bebendar ngenegapka penuduk ekonomi sereta nyapai juluk dagang sida.

Nitih ku Sapit Menteri Pengerai Mensia Mayuh, Pengawa Berumah enggau Perintah Lokal Sarawak, Datuk Dr Penguang Manggil, orang dagang meseti bebendar napi pemar dikena nyapai pemujur enggau nyadi orang dagang ti inovatif.

Kelimpah ari nya, penemu bepanggai ba perintah patut dipunas lalu nyadi entara kebuah ngujung ke orang dagang tinggal ari arus pemansang.

“Nadai ngira sekali ke kitai gawa ba sektor perintah tauka peribit, aku pechaya semua kitai kala napi penanggul, lalu angkat enggau labuh endang nyadi asam garam pengidup,” ku iya.

Iya madah munyi nya maya bejaku ba Pengerami Genap Taun ke-18 Konsortium Bumi Consultants and Services (KBCS) Sdn Bhd di Hotel Imperial Kuching malam kemari.

Berindik ari nya, Dr Penguang mega minta orang dagang meda enggau positif maya napi sebarang penanggul ti ditapi sida.

“Ba penemu aku, pemar tu beguna laban meri motivasyen ke diguna kitai gawa bebendar agi sereta enchabar diri empu bejalaika pengawa ke lebih ari pengawa ti udah dikereja ngelama tu,” ku iya nambah.

Sama bisi datai, Sapit Menteri Pelajar enggau Pemansang Bakat II, Datuk Francis Harden Hollis, Sapit Menteri Dagang Antarabansa, Industri enggau Pemeranak Puku Sarawak, Datuk Malcolm Mussen Lamoh, Penyanding Penemu Pemansik Sains Sarawak, Datuk Patinggi Tan Sri Alfred Jabu Numpang, Penyanding Penemu di Opis Premier Sarawak (Strategi Pemansang Pengudah COVID-19 2030), Datuk Amar Jaul Samion sereta temuai bukai.

BERITA LAIN

BERITA TERBARU

Nanta kesal akaun TikTok palsu guna namanya

KUCHING: Menteri Kerja Raya Datuk Seri Alexander Nanta Linggi menjadi mangsa pihak tidak bertanggungjawab apabila terdapat akaun TikTok palsu yang menyamar menggunakan nama Alexander Nanta