ARTIKEL

PATUT DISUKUNG... Rohani bejadika Program KASIH KPWKM: Meransang Beperesa HPV DNA 2024 di Begunan Sultan Iskandar, ditu tadi. | GAMBAR RAMIDI SUBARI

Orang indu diperansang beperesa sarang anak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Kaunsil Peranak enggau Pemansang Ruang Bilik Menua (LPPKN) bisi juluk 30,000 indu di Sarawak beperesa Igi Penyakit Papiloma Mensia (HPV) taun tu.

Chairperson LPPKN, Datuk Seri Rohani Abdul Karim madah, sepenyampau 15,000 indu di nengeri tu udah ngambi peresa nya ba taun nyin tadi lalu raban sida deka meda taun tu penyampau nya nambah.

Ku iya, sida mega deka seruran ngerembaika pejalai program beperesa riman sarang anak kelebih agi ba kandang menua ulu di nengeri tu.

“Pekara tu beguna endar ngambi ulih nemu tumu laban ari Ripot Rejister Riman Nasional 2012 nyentuk 2016, Sarawak ngerikod penyampau sida ke sakit riman sarang anak pemadu tinggi.

“Sepenyampau 9.6 kes ba genap 100,000 iku indu udah dirikot ditepan sakit riman sarang anak ninting taun ba menua kitai di Sarawak,” terang iya.

Rohani nyebut pekara nya lebuh bejaku serimbai pengawa bejadika Program KASIH KPWKM: Meransang Beperesa HPV DNA 2024 di Begunan Sultan Iskandar, ditu tadi.

Iya madah baru, program nya belabuh diatur ari taun 2019 nyentuk 2023 ke alai sepenyampau 23,744 indu di nengeri tu udah beperesa HPV DNA.

Ari nya ku iya, dikena nyapai juluk nya, dia LPPKN enggau Opis Pengerai Nengeri Sarawak deka nampung pejalai Program Meransang Beperesa HPV DNA taun tu.

“Pekara tu patut dipejalai laban riman sarang anak tu nyadi riman ketiga pemadu mayuh nepan sida ke indu di Malaysia.

“Penyampau tu mega nambah pengudah umur 30 taun lalu ditemu pemadu mayuh lebuh umur manggai 50 ngagai 65 taun.

“Nitih ke Statistik Ripot Rejister Riman Nasional Malaysia, 2012 nyentuk 2016 nurai siku dalam 144 orang indu di Malaysia ulih kena tepan penyakit riman sarang anak.

“Bisi 3,981 kes baru riman sarang anak ditemu kandang lima taun nya dibanding 4,325 kes ba timpuh 2007 nyentuk 2011,” terang iya lenak.

Nya alai Rohani meransang orang indu di Sarawak nganjung diri beperesa HPV DNA nengah program tauka Klinik Nur Sejahtera enggau nadai bebayar.

“Di Sarawak, bisi tiga pampang klinik nya; di Miri, Sibu enggau Kuching.

“Pengawa nyidi riman tu endang tanggungpengawa begulai, aku ngarapka semua raban ulih bejalaika pangku pengawa diri empu lalu meransang orang indu bukai nganjung diri beperesa,” ku Rohani nyemetak.

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

Sarawak ngerikod PNGK 2.69 ba peresa STPM 2023

KUCHING: Pemutus peresa Sijil Tinggi Persekolahan Malaysia (STPM) 2023 Sarawak ngerikod ‘Purata Nilai Gred Keseluruhan’ (PNGK) 2.69. Pemutus nya kusut ari taun 2022, iya nya

BERITA TERBARU