ARTIKEL

PACC ngemansang minyak, gas S’wak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Komiti Penyanding Penemu enggau Pengatur Petroleum (PACC) sebengkah komiti mangku pengawa dikena nentu ke tunga kuing industri minyak enggau gas ba Sarawak.

Komiti nya ditengkebang Premier Sarawak, Datuk Patinggi Tan Sri Abang Johari Tun Openg ba bulan Januari tu tadi ti bela mangku pengawa besai ba pemansang industri nya.

Sapit Premier Sarawak, Datuk Amar Awang Tengah Ali Hasan madah, pangku pengawa komiti nya mai reti ti besai ba pengawa ngamat ke juluk nempa nengeri tu maju seraris enggau Pelin Pemansang Pengudah Covid-19 (PCDS) 2030.

Awang Tengah ti mega Chairman PACC mansutka pekara nya rambau aum keterubah PACC ba Kuching, ditu kemari.

Iya madah, pekara ti dikerandau ba aum nya bekaul pengawa ngaduka pemanah pelin kerejasama ti endang udah bisi ba Sempekat Mutar Komersial (CSA) Perintah Sarawak enggau Petronas.

“Tu ulih nyungkak pengulih raban kereja ti diari ke opis menteri, ejensi enggau Petronas.

“Pia mega, Petros ngatur pengawa bekaul pengelikun bekal gas domestik ti diguna ba industri, kuasa, dagang sereta peluang meranakka puku ungkup kompeni Sarawak.

“Tu nyengkaum ba operasyen dunya enggau domestik Petronas, pemansang modal mensia rayat Sarawak sereta program pengawa rama korporat (CSR),” ku iya.

PACC bisi 11 raban besai ngari ke opis menteri, ejensi perintah enggau GLC nengeri ti bisi kuasa enggau pengelandik ba pekara bekaul minyak enggau gas nengeri.

Komiti nya mega nyadi pelasar dikena opis menteri enggau ejensi nengeri meresa sereta ngatur pemansang tunga kuing bekaul pekara minyak enggau gas.

Pia mega, komiti nya nyadi penyanding penemu ngagai Premier Sarawak bekaul enggau tunga kuing ti engkeman dikena ngemujurka pelin minyak enggau gas nengeri tu. – EDISI UKAS

BERITA LAIN

BERITA TERBARU