ARTIKEL

Padang Bilun Miri nambah tiga juta penumpang setaun

Facebook
Twitter
LinkedIn
WhatsApp
Telegram

KUCHING: Perintah deka ngemanah Padang Bilun Miri enggau nambahka kapasiti di terminal ari dua juta penumpang setaun (MPPA) ngagai tiga juta MPPA.

Sapit Menteri Pengangkut, Datuk Dr Jerip Susil madah, skop kereja ti diperambu mungkur pengawa nyambung begunan baru enggau ngemanah Servis Langit Menua Pesisir (RAS) sereta Kaunter Rejister Tama (CIC) baru.

Pia mega, opi baru, pal tanda enggau penunjuk jalai, sistem ngadu bagasi baru (BHS), pengawa nyeleti ringkat satu, nambahka jematan penumpang enggau automasyen nuju padang bilun 4.0.

“Kena 30 June tu tadi, deligit Opis Menteri Pengangkut Sarawak betuai ke Datuk Seri Lee Kim Shin udah ngatur penemuai basa ngagai Menteri Pengangkut Malaysia, Anthony Loke.

“Ba aum nya, Menteri Pengangkut Sarawak udah mantaika perambu Pelin Nangkir Padang Bilun Miri ngambi disukung enggau diperunding sida.

“Menteri (Anthony Loke) meri jamin projek tu deka dikenulu ngambi ngulihka agih belanja ari Perintah Besai dalam Langgur Pemansang Malaysia Lumpar Ke-12 (RMK-12),” ku iya.

Jerip mansutka jaku nya lebuh nyaut tanya ADUN Pujut, Adam Yii Siew Sang pasal pengawa nangkir kapasiti Padang Bilun Miri serimbai Aum DUN, ditu kemari.

Ku Jerip, naka diatu Padang Bilun Miri ulih nangkup dua juta MPPA enggau rikod pejalai penumpang ngelui kapasiti padang bilun ba taun 2019 enggau 2,434,497 penumpang.

Taja pia ku iya, Pelin Nangkir Padang Bilun Miri nya semina pelin timpuh pandak.

Ku iya, Opis Menteri Pengangkut Sarawak enggau Malaysia Airport Holdings Berhad (MAHB) benung bekerejasama ungkup pelin timpuh panjai ngaga terminal padang bilun antarabansa baru ungkup Miri.

LAIN-LAIN BERITA

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

Dua ruang bilik kurang penatai pemisi dibantu

MIRI: Komuniti Mit Ngintu Pengelantang, Pengerai enggau Komuniti Bulan Sabit Merah Malaysia (MRC) Pampang Miri udah ngabas dua buah ruang bilik ti kurang penatai pemisi

BERITA TERBARU

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

Pelabuhan Bintulu peneraju pelabuhan Sarawak

KUCHING: Pelabuhan Bintulu adalah peneraju pelabuhan Sarawak, bukan sahaja dari segi eksport gas asli cecair (LNG) tetapi juga terminal eksport LNG terbesar di Asia Timur,