ARTIKEL

Padang bilun Sarawak meseti ditangkir

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Datuk Seri Abdul Karim Rahman Hamzah andal Perintah Besai deka merambu nangkir Padang Bilun ba Sarawak dikena nampung penyampau penumpang ti majak nambah.

Menteri Dagang Temuai, Industri Kreatif enggau Seni Pemerindang nya madah, pekara nya berebak ari pengawa ngelakuka dagang temuai ti majak richah ba nengeri tu.

Ku iya, inisiatif strategik patut diambi dikena mutar isu sekut ba padang bilun ti nyadi ketegal pengawa ngelakuka dagang temuai ti benung richah dipejalai ba nengeri tu.

“Berebak ari penyampau temuai ti datai ke Sarawak majak nambah, beguna amat kitai meragam penanggul ti nyadi ari pekara tu.

“Enti isu tu majak nyadi, Padang Bilun Antarabansa Kuching (LTAK) enggau padang bilun bukai ba Sarawak enda ulih nampung penyampau temuai ti datai kitu.

“Nya alai, kitai meseti nyikap diri ngiga inisiatif dikena mutar isu tu,” ku iya rambau aum pemberita ba Begunan Baitulmakmur II ditu, sehari tu.

Dikena ngaku pemaik ari industri dagang temuai ti majak maju, Karim ngemerat pemesai guna nyemela pemansang industri nya enggau pemansang infrastruktur.

“Beguna amat kitai ulih nyemela pemansang sektor dagang temuai enggau padang bilun ti ulih nangkup peminta ti majak nambah.

“Pengawa semina nangkir padang bilun tang enda ngemerat pengulih padang bilun tu dikena nampung bilun ti sangkai deka mai jaku pejah enggau bantah ari mensia mayuh,” ku iya.

Karim ngemerat guna pelasar kerejasama entara Perintah Besai enggau Perintah Nengeri dikena mutar isu tu enggau ngasi.

Iya meri jamin ngagai mensia mayuh enti isu nya nyadi, pelin nangkir padang bilun deka dipejalai.

“Sarawak deka terus matak mayuh agi temuai nengah pengaya pesaka main asal, landskap ti manah enggau ti bukai, nya alai, beguna amat raban bekuasa mutar penanggul ti disadang nyadi enggau manah,” ku iya.

BERITA LAIN

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau

JHS chakah nyaga ekosistem bakau

KUCHING: Opis Kampung Sarawak (JHS) enggau raban volunteer ari Kampung Buntal nanam 200 paung kayu Bakau Kurap (Rhizophora Mucronata) sereta ngumpul 171 kilogram uras ba

BERITA TERBARU

Anwar puji pengalaman luas Awang Bemee

KUALA LUMPUR: Datuk Awang Bemee Awang Ali Basah, yang dilantik sebagai Yang Dipertua Dewan Negara yang baharu, mempunyai pengalaman luas pada peringkat negeri dan persekutuan

Kepimpinan kerajaan bekerja keras majukan Sarawak

BINTULU: Para pemimpin Kerajaan Sarawak terus bekerja keras demi memajukan negeri ini. Menteri Industri Makanan, Komoditi dan Pembangunan Wilayah Sarawak, Datuk Seri Dr Stephen Rundi