Padang Bilun Sibu enggau Bintulu disikap thermal scan

KUCHING: Perintah Sarawak deka nyendiaka kereban thermal scan ba padang bilun di Bintulu enggau Sibu berindik ari pengerekai igi penyakit koronavirus.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri (JPBN) Sarawak Datuk Amar Douglas Uggah Embas madah, naka diatu semina Padang Bilun Bintulu enggau Sibu aja ke apin bisi kereban nya di Sarawak.

“Berindik ari nya kami minta Perintah Sarawak meli dua thermal scan ungkup dua bengkah padang bilun tu lalu disadang bisi dalam kandang dua minggu deka datai.

“Pia mega, kami udah minta sekeda staff dianjung ngagai Kuching lalu matih sida chara ngena mesin tu,” ku iya.

Uggah madah munyi nya ba aum pemberita pengudah Aum Besai JPBN di Wisma Bapa Malaysia ditu tadi.

Suara Sarawak