ARTIKEL

Palan belajar deriba udah ulih dibuka

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Palan belajar deriba di Sarawak udah dikemendar dibuka seriris enggau Pelin Ngemanahka Menua (PPN) Renggat Ketiga, ku Datuk Lee Kim Shin.

Menteri Perengka Pengangkut (MOTS) madahka, taja pia palan belajar deriba di zon selatan bagi menua Kuching, Serian enggau Samarahan deka dilanjarka.

“Palan ngajar deriba di zon selatan tu deka dilanjarka nganti pemutus ari perintah bekau ari kes positif Covid-19 ti majak niki di bagi menua nya.

“Taja pia di zon tauka bagi menua ke bukai, palan nya deka dibuka sepengudah Opis Perengka Pengangkut Darat (JPJ) meresa Atur Pengawa Standard (SOP) ba semua palan belajar deriba,” ku iya ba siti penerang, ensana.

Kim Shin nambahka, pengawa penyangga kelas belajar deriba nyengkaum bala pengereja, pengajar deriba enggau orang ti deka belajar deriba patut nitihka SOP ti udah ditetapka baka dikeluar ba laman web MOTS.

“Semua palan belajar deriba patut bejalaika tanggungpengawa meri penerang bekaul ngagai Opis JPJ ti semak kena ngenukuka sereta nusun pengawa sebedau sida diberi pemendar beoperasyen.

“Supervisor palan belajar deriba, pengereja enggau pengajar deriba patut udah tembu nerima dua dos vaksin Covid-19 sida.

“Ungkup kemaya tu, semua orang ti deka belajar deriba patut udah nerima siti dos betuchuk vaksin sebedau diterima di palan belajar deriba.

“Taja pia, sepengudah 31 Ogos, sida (orang belajar deriba) diperansang bulih dua dos tuchuk vaksin Covid-19 sebedau sida diterima di palan belajar deriba,” ku iya.

Iya nanduka, kena nyadi bukti udah divaksinasyen, raban penyangga baka supervisor palan nya sereta bala pengereja, pengajar deriba enggau orang belajar deriba patut mantaika sijil digital vaksinasyen Covid-19 tauka kad vaksinasyen Covid-19.

“JPJ bisi tanggungpengawa kena meresa semua palan belajar deriba tetap rat dipejalaika nitihka SOP ti udah ditetapka perintah.

“Kitai pechaya enggau SOP ti baru, semua palan belajar deriba ulih beoperasyen maya Pelin Ngemanahka Menua (PPN) Renggat Ketiga ungkup pengelikun semua raban ti beguna ari ditinggang penusah ketegal pengerekai Covid-19,” ku iya.

Tandu iya mega, atur muka palan belajar deriba ulih mantu ngemanahka ekonomi sereta pengidup sida ti kena empas pengerekai Covid-19.

“Ungkup 34 buah palan belajar deriba di Sarawak, aku deka meri terima kasih ngagai Perintah Nengeri Sarawak enggau Komiti Penyangga Penusah Nengeri (JPBN) Sarawak laban udah ngemendarka palan belajar deriba dibuka ba baruh PPN Renggat Ketiga di nengeri tu,” ku iya.

BERITA LAIN

BERITA TERBARU

Anugerah pencetus semangat Bonnie

KUCHING: Jaguh powerlifting dunia kelahiran Sarawak, Bonnie Bunyau Gustin menyifatkan Anugerah Olahragawan Paralimpik Kebangsaan 2023 diterima malam kelmarin sebagai pencetus semangat untuk terus cemerlang dalam

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup