Palan betuchi tungkul sengayuh digaga ba Klinik Pengerai Selangau

KUCHING: Sebuah palan mit betuchi tungkul sengayuh deka ditumbuh di Klinik Pengerai Selangau ba taun baru (2021) ngambi ulih nangkup peminta pesakit tungkul sengayuh ba kandang menua pesisir Sarawak.

Sebedau tu, bisi empat kandang menua udah nyendiaka servis tu iya nya ba Dalat, Batu Niah, Tatau enggau Song nitihka peminta peranak enggau ketegal nadai pererengka pengangkut sereta sepital ti kelalu jauh.

Menteri Pengintu Pengelantang Komuniti, Orang Indu, Ruang Bilik enggau Pemansang Anak Mit, Datuk Seri Fatimah Abdullah madahka servis nya beguna ungkup pesakit tungkul sengayuh ba kandang menua pesisir diatu.

“Pengawa tu meseti minta pemendar ari Opis Menteri Pengerai Malaysia (KKM) ngambi ngemuntangka KKM nentuka staf ti diguna ngubat pesakit tu kelebih agi meri latih enggau endur indu misi tu gawa.

“Endang amat pekara tu diguna laban ba sitak aku empu di Kunsil Nengeri (Dun) Dalat, udah ngena perengkaguna tu nyentuk lebih ari siti syif kelimpah ulih ngurangka pesakit berubat ngagai sepital Mukah laban endur nya jauh,” terang iya.

Fatimah mansutka jaku nya pengudah Pengawa Nyuaka Bantu Khas Tungkul Sengayuh ba Wisma Kebajikan, ditu tadi.