ARTIKEL

GAGIT… Bala pengusung gagit meda mayas pemadu besai ba SWC. – GAMBAR SWC

Palan Jelu Siga Semenggoh nyendia peluang berega ngagai pengusung meda mayas

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SYLVESTER RIANG
suarasarawak.news@gmail.com

SARAWAK tauka Tanah Kenyalang betuah laban diuan bemacham jelu siga enggau utai tumbuh kelimpah ngembuan rampa menua gadung ti agi tulin.

Mensia mayuh ti rindu nyerungkai tiga pekara nya diperansang ngelawa Palan Jelu Siga Semenggoh (SWC) kelimpah bepeluang meda jelu mayas.

SELAMAT DATAI… Mensia mayuh diperansang ngelawa SWC ngasai peneleba meda mayas. – GAMBAR SWC

MUNTANG DILAWA
Palan tu urung 30 minit tauka 22 kilometer (km) penyauh ari Indu Mengeri Kuching sereta 10 minit tauka 4.4km ari Kota Padawan sereta chukup muntang dilawa ngena entukar.

Bayar tama ngagai palan tu chukup murah iya nya semina RM5 aja ungkup orang besai tuai, RM2 ungkup nembiak mit enggau RM3 ungkup orang lunggar umur.

Nangkan nya, bayar tama ungkup peranak menua luar semina RM10 ungkup orang besai tuai enggau orang lunggar umur lalu RM5 ungkup nembiak mit.

SWC dibuka ngagai mensia mayuh ninting hari berengkah ari pukul 8 nyentuk 10 pagi muak ke pagi enggau pukul 2 nyentuk 4 lemai muak ke lemai.

PENELEBA BEREGA… Pengawa meri mayas makai nyadi aktiviti seruran dianti bala pengusung ti ngelawa SWC. – GAMBAR VIATOR

BEPELUANG MEDA MAYAS
Sida ti ngusung palan tu deka tepantup ati nimpai pemanah rampa menua gadung, penyelai utai tumbuh sereta bemacham bansa burung enggau jelu siga.

Lebih manis, sida bepeluang meda jelu mayas ngena mata diri empu kelimpah bepeluang ngambi gambar sereta meri jelu nya makai.

Pengawa meri mayas makai ba palan nya dipejalai dua kali sehari iya nya pukul 10 pagi enggau 3 lemai.

Nya sebengkah peneleba nyelai ti nyadi pengingat manis ti seruran dikenang lebuh nemuai ngagai palan tu.

DIJAGA MERUAN… Jelu mayas ba SWC dijaga enggau meruan ngambi enda punas. – GAMBAR CPH TRAVEL

NGINTU JELU SIGA
Ungkup penerang, palan tu berengkah ditumbuh ba taun 1920 nyentuk sehari tu ba pengelama lebih ari seratus taun ti udah.

Ba taun 2000, palan tu lalu diberi nama Palan Jelu Siga Semenggoh ti dijaga Ejensi Kampung Sarawak (SFC).

Kebendar, tuju palan nya ditumbuh dikena nyaga enggau ngintu lebih 1,000 jelu siga nyengkaum jelu mayas ti napi penanggul punas.

Laban palan nya mujur bendar nyaga enggau ngintu jelu mayas, nya alai palan nya semampai dikait enggau jelu mayas.

Jelu mayas ti mujur diintu ba endur nya deka dilepas ngagai kampung jerung ngelingi nya tang sida suah mulai kediri empu ngagai Semenggoh.

Kebuah pia laban ba Semenggoh dia, sida deka diberi makai abis nadai dua kali sehari.

PEMATAK TEMUAI… Jelu mayas ba SWC nyadi pematak temuai ari dalam enggau menua luar. – GAMBAR SWC

NGEDUT PEMANAH KAUL
Nya alai, palan tu nyendia peluang ti chukup engkeman dikena ngedut pemanah kaul enggau diri sebilik, bala bakih, kaban belayan enggau orang dikesayau.

Kelebih agi, bala apai indai seruran mai bala anak sida napatka palan nya ngambi anak sida ulih meda pemanah rampa menua gadung, bemacham utai tumbuh sereta jelu siga kelebih agi mayas.

Ari nya meh, apai indai ulih narak ulah sayauka jelu enggau rampa menua ngagai bala anak sida.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU