KUCHING: Perintah Sarawak deka mantu nirika palan ngetan sementara endur kampar ti ditan ketegal tama kitu maya pandemik Covid-19 tu.
Sapit Direktor Unit Pengelikun enggau Penerit Adat Nengeri, Datuk Mohamad Morshidi Mustapha madahka sekeda endur udah dikelala enggau dikemendar Kaunsil Pengelikun Menua (MKN) ngambi nyadi palan ngetan sementara nya.
“Tang diatu pekara nya apin dituku, sekeda palan nya ba Kuching, Sibu enggau Miri,” ku iya ba aum pemberita Op Jala di Opis Unit Pengelikun enggau Penerit Adat Nengeri, Masja II ditu tadi.
Ku Mohamad Morshidi ti mega sapit Ketuai Sekretariat Komiti Penyangga Penusah Nengeri Sarawak (JPBNS), naka tu bisi 58 iku kampar benung ditan ba Depot Ditan Imigresyen ba menua tu.
Palan ngetan sementara ungkup Kampar deka ditumbuh
