ARTIKEL

KENANG BEGULAI… Nancy (tiga kiba) begambar ungkup kenang enggau bala pengusung ti bela datai ngulu Pengerami Ngabang Aidilfitri 2024 Opis Pelilih Kuching enggau KMKK Pelilih Kuching ditu, kemari. – GAMBAR MOHD ALIF NONI

Palan ngibun meseti berejister enggau JKM

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Genap palan ngibun patut berejister enggau raban Opis Pengintu Pengelantang Komuniti (JKM) ngambi atur pengawa enggau operasyen palan nya ulih dipejalai nitih akta enggau atur ti diterit.

Seksyen 4 Akta Pusat Jagaan 1993 (Akta 506) minta genap palan ngibun patut berejister lalu pengawa ngerejister nya patut digaga nitih Akta 506 sereta nitih chara ditentu ba Peraturan-Peraturan Pusat Jagaan 1994.

Menteri Indu, Ruang Bilik Enggau Komuniti, Datuk Seri Nancy Shukri madah, palan nya patut berejister ngambi raban bekaul ulih bejalaika pengawa meresa enggau nemban.

“Kitai bisi atur ngaga ripot ngagai raban polis. Ungkup palan ti berejister, kitai deka bejalaika pengawa meresa ngenyit.

“Ungkup palan ti nadai berejister, kitai deka neritka atur ngagai sida. Engka deka ditutup pengudah mutuska ripot polis,” ku iya.

Nancy mansutka jaku nya rambau dirandau pemberita pengudah bejadi Pengerami Ngabang Aidilfitri 2024 Opis Pelilih Kuching enggau KMKK Pelilih Kuching ba Arcum Tent, Majma Tuanku Abdul Halim Mu’adzam Shah ditu, kemari.

Ngelansa silik bekaul kes staf ngereja pengawa kasar ba Palan Ngibun Orang Tuai Padang Serai, Kedah, iya nyemetak madahka raban JKM udah bejalaika pansik ngagai palan nya.

Terang iya, palan nya nadai berejister laban nya palan ngibun peribit lalu ripot polis udah digaga.

“Pengawa dikereja kami iya nya nutup palan nya pengudah nerima ripot,” ku iya.

Berebak enggau nya, Nancy nyemetak ngelalau sida ti dilempai pangku pengawa numbuh palan ngibun bejalaika pangku pengawa sida enggau manah.

“Jaga manah sida ti dianjung ngagai palan ngibun kita. Sehari tu enda baka suba laban suba engka ulih dilalai tang diatu, mayuh mata benung ngemataka ulah kita.

“Kitai ulih meda ba sebelah media sosial. Orang ulih ngerikod video. Ingat meh, kita deka nyadi tuai dudi hari sereta begunaka servis ngibun lebuh kitai udah tuai ila.

“Ngarap kes tu enda nyadi agi dudi hari,” ku iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

RM35,000 untuk ganti paip graviti lama

PAKAN: Sejumlah RM35,000 telah diperuntukkan kepada Sekolah Kebangsaan (SK) Ulu Entaih bagi membeli dan menggantikan batang paip graviti lama sekolah tersebut untuk kegunaan seharian mereka.