ARTIKEL

Palan pemansik enggau pemansang kayu ramu patut ditumbuh

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak meseti numbuhka palan bejalaika pansik enggau pemansang (R&D) sereta ngujika produk kayu ramu ba menua tu.

Sapit Premier Sarawak, Datuk Amar Awang Tengah Ali Hasan madah, transfomasyen industri kayu ramu ari industri besai ngagai industri berega nya meseti ngena manah kereban ari kampung asal enggau ladang kayu industri.

Ku iya, pekara nya mega seraris enggau juluk Sarawak dikena ngemansangka sejuta hektar kampung tanam datai ba taun 2025 lalu nyadi pemansut besai bekal kayu ungkup industri ili dudi hari.

Iya madah, pengawa nyungkak pemansut kayu nya seraris enggau tagit industri kayu ramu nengah Strategi Pemansang Pengudah COVID-19 2030 (PCDS 2030) dikena nambah penatai pemisi eksport ninting taun 8 bilion ngambi nyapai juluk Sarawak maju ba taun 2030.

“Nengah PCDS 2030, menua tu terus beratika pemansang kayu, jemari enggau produk ari buluh laban udah bisi ari kampung ti ditanam.

“Tu mega seraris enggau gaya dunya mayuh agi ngena kayu dalam industri ngaga begunan.

“Buluh mega tau dikumbai kereban ti engkeman ungkup pemansut kayu.

“Nya alai, bekaul pekara nya, ba penemu aku beguna endar Sarawak bisi palan bejalaika latih R&D enggau ngujika produk,” ku iya.

Awang Tengah mansutka jaku nya ba pengawa bejadi Nutup Aum Besai Antarabansa Injiniring Kayu 2023 ba Palan Aum Borneo Kuching (BCCK), ditu kemari.

Berebak enggau nya, iya madahka kayu ulih ngurangka karbon dilepas lebuh ditukar ngena simen enggau besi ba pengawa ngaga begunan.

“Pekara nya mega seraris enggau agenda dunya nagang ubah klimet enggau ngena produk gadung dikena nyaga pemeruan rampa menua,” terang iya.

Ba lansa sama, Awang Tengah ke mega Menteri Pengeraja Asal enggau Pemansang Mengeri ngelalau pemeranak puku enggau pemain industri nyerungkai pengulih industri kayu ramu ba Sarawak.

“Tu peluang baru ngagai pengempu Lisin Ladang Kampung (LPF) ba Sarawak ngasilka kereban ti engkeman ungkup industri tu,” ku iya nyemetak.

Ngelansa pasal aum besai nya, iya madahka nya endang engkeman ungkup Kaunsil Pemansang Kayu Ramu Sarawak (PUSAKA) ngemansangka industri tu ngambi Sarawak mengkang nyadi entara pemansut besai produk kayu ramu ba rantau tu.

“Aku mega deka ke PUSAKA terus ngatur pengawa baka tu dudi hari ungkup pemansang industri kayu ramu menua,” terang iya.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP