ARTIKEL

Palan Servis Parlimen Sibu deka mantu raban ti napi penanggul ngerejister PADU

Facebook
Twitter
LinkedIn
WhatsApp
Telegram

SIBU: Palan Servis Parlimen Sibu deka mantu mensia mayuh ditu ti napi penanggul ngerejister diri ba sistem Pangkalan Data Utama (PADU).

Kaban Parlimen Sibu, Oscar Ling Chai Yew madah, raban sida udah nyikap diri mantu mensia mayuh ti napi penanggul nya lalu sida diperansang datai ngagai palan servis iya ba Palan Komersial Taman Rejang ditu maya jam gawa aja.

Iya nyemetak madah, palan servis pengari rayat ditu mega bela bisi nyendia servis sebaka.

“Mensia mayuh ti napi penanggul ngerejister PADU diperansang datai ngagai palan servis aku lalu staf kami deka mantu kita.

“Nya alai, sida ti apin ngerejister PADU diperansang ngerejister diri lengkas,” ku iya.

Ling mansutka jaku nya lebuh dirandau pemberita rambau Program Bejual Subsidi Khas ti diatur Palan Servis Parlimen Sibu ba sebuah supermakit ditu, ensanus.

Ngelansa senentang sistem PADU ti dilanchar perintah empai lama, ku iya, nya dikena mantu raban M40 enggau B40 ungkup pengawa meri subsidi beselinting ngambi perintah ngembuan data ti silik agi.

Iya madah, ba pengawa Perintah Besai nyikap diri ngatur transformasyen subsidi endang begunaka data meruan enggau nemban dikena mantu raban diselinting.

“Enti sida enda ngisi penuh sistem PADU, kitai irau raban nya enda bulih subsidi dudi hari,” terang iya.

Ngelansa senentang program nya, Ling madah, subsidi barang pemakai nya nyendia 1,200 set pemakai ngagai mensia mayuh.

Ku iya, semua set barang pemakai nya udah abis dijual ngagai mensia mayuh rambau program nya.

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

BERITA TERBARU

Suasana hiba di kediaman Tun Taib

KUCHING: Suasana hiba dan sayu menyelubungi persekitaran kediaman Allahyarham Tun Pehin Sri Abdul Taib Mahmud, petang ini. Keadaan cuaca mendung turut seakan-akan turut berduka dengan