Pangku pengawa Tuai Rumah ukai mendam

BAU : Pangku pengawa tuai genturung pendiau tauka tuai rumah ukai tanggung pengawa mendam sereta ukai ditentuka pengari rayat pengudah timpuh servis sida abis.

Kaban Kunsil Nengeri (Adun) Tasik Biru, Dato Henry Harry Jinep madah, servis tuai genturung pendiau nya deka disambung bepelasarka pemanah pengawa sida.

Ku iya, rikod pengawa sida deka diperatika opis pelilih enggau residen baka penyuah ngatur aum Komiti Pemansang Enggau Pengelikun (JKKK), penatai sida ke opis pelilih enggau pemagas nganjung ripot ninting bulan.

“Tu mih penanggul ke enda ditemu kitai, pangku pengawa Tuai Genturung Pendiau ukai selama iya, ukai salah YB enti timpuh servis kita diketu,” ku iya.

Iya madah munyi nya maya nyerahka pangku pengawa Tuai Raban Bansa Kampung Suba Buan Di Dewan Serbaguna Kampung Suba Buan, kemari.

Berebak enggau nya, ku iya Pengawa Nasih Tanah Projek Ngaga Sk Suba Buan ke baru dipelaba deka dipenyadika Menteri Pelajar, Sains Enggau Pansik Teknologi Sarawak, Datuk Amar Michael Manyin Jawong kena 28 April tu. -Ukas

Suara Sarawak