Parlimen ulih baum maya darurat

KUALA LUMPUR: Yang di-Pertuan Agong Al-Sultan Abdullah Ri’ayatuddin Al-Mustafa Billah Shah mantaika sadang penemu ke alai Parlimen ulih baum sekumbang timpuh darurat.

Ba penemu iya, aum nya ulih diatur nitihka haribulan ti diasaika patut belalauka sanding penemu Menteri Besai.

Pengelola Bijaya Diraja Istana Negara Datuk Ahmad Fadil Shamsuddin madah, pekara nya bisi dalam subperenggan 14(1)(b) Ordinan Darurat (Kuasa-Kuasa Perlu) 2021 ti madahka Parlimen mesti baum lalu dipadam nitihka haribulan ti diasaika patut.

Ku iya, pemutus madamka parlimen datai ari sadang penemu Agong belalauka sanding penemu Menteri Besai.

Berindik ari nya, Fadil madahka sagam penemu sekeda raban madahka proklamasyen darurat nagang Parlimen baum nya enda betul.

“Semua mesti nemu, Seri Paduka Baginda setujuka Bejalaika Proklamasyen Darurat kena 12 Januari 2021 nyin tadi belalauka sanding penemu ari Menteri Besai.

“Agong setuju semina ketegal deka nagang igi penyakit Covid-19 ari nabanka mayuh agi nyawa ke alai diatu lebih 1,000 iku nyawa udah bebadi,” terang Fadil.

Suara Sarawak