ARTIKEL

*NYUA…* Tiang nyadung payung ngagai bala apai ba sitak Pelawan serimbai pengawa ngintu Hari Apai ditu, kemari.

Pasar Basah Taman Rejang deka dikemanahka agi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Pasar Basah Taman Rejang ditu deka digaga baru tauka diseleti, ku Datuk Michael Tiang Ming Tee.

Sapit Menteri Pengerai Mensia Mayuh, Pengawa Berumah enggau Perintah Lokal nya madah, perambu nya agi nganti pemendar ari Opis Kereja Raya (JKR).

“Kaunsil Mengeri Sibu (MPS) agi nganti pemendar ari raban JKR sebedau nerus pengawa ngaga baru tauka nyeleti Pasar Basah Taman Rejang,” terang iya.

Iya madah, aum bekaul pengawa nyeleti pasar basah nya udah lama dipejalai.

“Nama kebuah patut nganti? Laban kitai nganti JKR ngenuku tauka nungkap projek tu sekali begunan tu likun endur nyadi pasar basah tauka enda.

“Enti likun, baru begunan tu deka diseleti tang enti enda likun, kitai deka ngaga baru begunan tu ke pemaik bala pedaja ti bedaja ditu,” ku iya.

Tiang mansutka jaku nya rambau dirandau pemberita pengudah nyadung 800 iti payung ngagai bala apai ba sitak Kunsil Nengeri (DUN) Pelawan serimbai Hari Apai ba Pasar Basah Taman Rejang ditu, kemari.

ADUN Pelawan nya madah, pasar ti digaga ba taun 80-an nya endang pasar basah ti tebilang lalu nya ulih dipeda lebuh arus trafik ba endur nya sekut laban mensia mayuh ngetu dia bebelika lauk.

BERITA LAIN

JHS chakah nyaga ekosistem bakau

KUCHING: Opis Kampung Sarawak (JHS) enggau raban volunteer ari Kampung Buntal nanam 200 paung kayu Bakau Kurap (Rhizophora Mucronata) sereta ngumpul 171 kilogram uras ba

BERITA TERBARU