ARTIKEL

Pasar Sentral Sibu deka dikemanah

Facebook
Twitter
LinkedIn
WhatsApp
Telegram

SIBU: Kaunsil Mengeri Sibu (MPS) deka bejalaika pengawa ngemanahka agi Pasar Sentral Sibu pengudah bala pedaja dia sebana dagang sida enda ngemantupka ati.

Chairman MPS, Kaunsilor Clarence Ting Ing Horh madah, berebak enggau nya, raban sida deka numbuhka siti komiti Pasar Sentral Sibu ti baru dikena ngaga perambu ti ngasi agi ba pengawa mai ubah ngagai pasar nya.

Iya madah, nya dikena mutar penanggul operasyen pasar nya ti majak kurang nerima timbal ari bala pengusung.

“Kami patut ngaga perambu baru manggai ba bulan Januari tu ila lalu taun baru kami patut berengkah bejalaika ubah ngagai Pasar Sentral Sibu ti nyau kusut pengudah pandemik COVID-19,” ku iya.

Ting mansutka jaku nya rambau ngulu Aum Penuh Kaban MPS ditu, ensanus.

Iya madah, satu per tiga tauka urung 40 peratus ari pedaja ikan ba pasar nya udah ngetu bedaja laban dagang sida enda nerima timbal ti ngemantupka ati.

“Kitai enda ulih neju pekara tu terus nyadi (dagang ikan). Tu enda nyalah baka palan bebeli barang ti ngembuan 40 peratus kedai nadai buka lalu kitai nadai ngereja sebarang utai,” ku iya nyemetak.

Bala pedaja dagin jani enggau sayur ba pasar ditu, ku iya, bela napi penanggul laban barang mata nya bisi dijual ba sebarang endur.

Nya alai, ku iya nyemetak, mensia mayuh nyau enda agi napatka Pasar Sentral Sibu ti ngembuan 1,100 pedaja.

“Kitai patut ngaga ubah besai ngagai Pasar Sentral Sibu laban enti enda baka nya, pasar tu baka tekang ais lalu kitai semina nganti ais nya lela.

“Kitai patut ngereja pengawa dikena nagang pekara tu ari majak nyadi laban kitai enda tau ninggalka pasar tu baka ais ti berinsur lela,” ku iya.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU