Pasar Tamu Minggu Sibu ditutup

SIBU: Beduduk ari bagi menua tu bebali status nyadi zon mirah, Kaunsil Mengeri Sibu (MPS) udah ngaga pemutus nutup Pasar Tamu Minggu Sibu di Jalai Indah ditutup bepun sehari tu (Hari Minggu).
Pekara nya dibantaika chairman iya Kaunselor Clarence Ting Ing Horh maya dirandau pemberita kemari.
“Bekau ari penyadi Kluster Pasai ke baru dipadah Chairman Komiti Penyangga Penusah Nengeri (JPBN) Bagi Menua Sibu Charles Siaw, raban kami ngaga pemutus nutup tamu nya bepelsarka Atur Pengawa Standard (SOP) tauka atur ba sitak zon merah.
“MPS deka madah ngagai mensia mayuh pasal pemutus nutup tamu enggau timpuh iya dibuka deka dipadah udah tu ila.
“Taja pia, kitai agi nganti berita baru ari Chairman JPBN Sarawak ke mega Sapit Kepala Menteri Datuk Amar Douglas Uggah Embas ba aum pemberita iya pasal berita bekaul enggau COVID-19 di Kuching lemai tu (kemari).
Berebak enggau nya, Ting nangkan peranak Sibu terus nitihka SOP.
“Anang mindah ari rumah enti nadai kebuah berat. Nyema pansut ari rumah guna sengkabung mua enggau titihka SOP,’ ku iya.
Ungkup penemu Pasar Tamu Minggu Sibu nya dibuka kenyau 1 Ogos taun nyin kemari pengudah ke mindah ari Jalai Mahsuri. Bisi 115 iku pedaja enggau orang dagang bejual ba tamu nya.

Suara Sarawak