ARTIKEL

Paung rian disadung ke rumah panjai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Opis Betanam Betupi Miri deka nyadung paung rian Munsang King ngagai rumah panjai di ke bedau nerima sebedau tu.

Adun Marudi Datuk Dr Penguang Manggil madahka iya bisi singgah di Opis Betanam Betupi Kabuloh meda pengawa nyuaka paung rian nya.

“Pukul dua lemai aku ngetu ba Opis Betenam Betupi Kabuloh nyerahka paung Musang King ngagai rumah panjai ke bedau nerima sebedau tu.

“Opis Betanam Betupi Miri mega sempat meri penerang ngagai bala penerima sentang chara nanam enggau ngintu paung rian Munsang King,” ku iya nengah penerang dibantai ba Facebook iya empu, ensana.

Dulu ari nya, Penguang madahka iya ngusung Opis Residen Miri ngulu aum Komiti Panel Milih Tuai Raban Bansa enggau Tuai Rumah Bagi Menua Miri.

“Aum nya betuaika Pemangku Residen Miri sereta digulu pemesai pelilih menua Marudi enggau Beluru,” ku iya.

Kena pagi ensana mega, Penguang bejadika Program Kelai Nyerahka Voucher Bantu Pekayan Sekula Yayasan Sarawak ba baruh Opis Pelajar Pelilih Menua Baram di Beluru.

“Bantu Pekayan Sekula Yayasan Sarawak tu udah berengkah dipejalaika ari taun 2001 nengah Perintah Sarawak dikena mantu nembiak ti kurang penatai pemisi ngulihka baju sekula nyengkaum kasut enggau beg,” ku iya.

Entara paung rian ti diberi ngagai rumah panjai di Miri.

BERITA LAIN

BERITA TERBARU