KUCHING: Parti Bangsa Malaysia (PBM) madah diri nyukung Gempung Parti Sarawak (GPS) ba Pengawa Bepilih Besai Nengeri ke-12 (PRN-12) tu ila.
Pekara nya dipansutka Sapit Presiden iya ke mega Kaban Parlimen Julau Larry Sng pengudah berandau enggau bala supreme kaunsil PBM Sarawak.
“Aku udah mansutka penemu kami ngagai Kepala Menteri Datuk Patinggi Tan Sri Abang Johari Tun Openg maya ba Julau apin lama ke udah enggau ngagai dua chalun GPS Meluan enggau Pakan pasal pekara nya.
“Aku andal enggau rikod ke manah, sedyuai iya ulih menang majoriti ke ke lebih besai serak tu,” ku iya ba Facebook iya, ensana.
GPS udah mantaika nama chalun ungkup penuduk Dun Meluan iyua nya Rolland Duat Jubin enggau Tan Sri William Mawan Ikom ba Pakan.
Ex-Chairman Parti Keadilan Rakyat (PKR) nya diatu mangku pengawa nyadi Sapit Presiden PBM ke sebedau tu dikelala enggau nama Parti Pekerja Sarawak (SWP) sereta udah dikemendarka Opis Pengerejister Gerempung kena 27 Oktober.
