KUCHING: Pemujur pengawa Ngajar enggau Belajar ari Rumah (PdPR) deka ditentuka ari kerejasama rat apai indai enggau pengajar.
Presiden Serakup Pengajar Bumiputera Sarawak (KGBS) Ahmad Mahlie madahka komunikasyen positif entara pengajar enggau apai indai amat beguna dalam mantu nembiak teulihka penemu ngajar enggau meruan.
“KGBS ngarapka semua piak meretika pekara tu laban KPM enggau raban pengajar nyadi orang ti bejalaika pengawa enggau pengabis manah.
“Dalam nentuka siatem pelajar dipejalai enggau meruan lebuh napi pemar tu kerejasama apai indai enggau pengajar endang amat diguna,” ku iya dalam siti penerang media sehari tu.
Ku iya, KGBS merambu perintah nengah KPM numbuhka skim pinjau baka pejalai skim pinjau bup teks ungkup nembiak sekula.
“Enggau chara tu semua nembiak sekula ti bisi line internet ulih belajar nengah PdPR atas tali arus.
“Kelimpah ari nya, KGBS meransang KPM nyeruri line internet di semua sekula ba menua tu.
“KGBS ngarapka pengawa nyeruri internet ba sekula nyadi agenda pemadu besai perintah dalam nentuka kualiti pelajar ba menua tu ulih meruan,” ku iya.
