Pebasa hak S’wak

KUCHING: Chairman PKR Sarawk Baru Bian diansak ngelalau bala penyukung Pakatan Harapan (PH) sentang pengawa nyiri ketuai raban bansa.

Kaban Parlimen Batang Sadong, Datuk Seri Nancy Shukri madahka pekara nya nyadi batang randau ari kededua piak bebida penemu politik sereta beratika Baru ti mega Menteri Kereja Raya patut belebas lebuh mansutka penemu diri.

“Baru tu siku luyar ti bisi setipikit lalu iya ngaku kuasa nyiri bepanggai ba Perintah Sarawak empu.

“Pekara tu disukung mayuh piak bekuasa ba undang-undang nengeri lalu Pengawa Nyiri Ketuai Raban Bansa di baruh Pekeliling Negeri 1970 enggau 1980,” ku Nancy.

Ku iya, Ordinan Pihak Berkuasa Tempatan mega di baruh bidang kuasa Perintah Sarawak.

“Ba Konstitusyen Perintah Besai, ba Rintai Nengeri di baruh Pengatur Pengawa Menua enggau kuasa pekara bekaul undang-undang bukai ke alai Konstitusyen Perintah Besai enda diau diri, semua malin penerang pasal kuasa diberi ngagai Perintah Sarawak nyiri Ketuai Raban Bansa tauka Tuai Rumah ungkup komuniti Iban.

“Tu udah diaku Baru empu lalu iya patut ngajar bala penyukung pasal pekara enggau kuasa menua tu.

“Perintah Besai bebasaka undang-undang ke terang nyaga hak Sarawak,” ku Nancy nyemetak madah.