Pedas puang ditinggal TKC Jenggut

SIBU: Serakup Dayak Sarawak (Pedas) lenyau siku agi ketuai ti chukup chakah enggau regas gawa negika hak bansa Dayak menua tu.

Pemidang Sapit Ketuai Pampang (TKC) Pedas Sibu, Jenggut Atan, 55 taun, kena tengahari 22 November tu tadi berasai endar diasai bala menyadi dalam serakup nya.

Niang Jenggut asal ari Rumah Jarau, Nanga Menalun di Sungai Poi, Kanowit ninggalka siku balu enggau tiga iku anak ti agi mekang umur pengudah tudah niang luput lalu enda ngeleda sereta ditukuka lutur parai urung pukul 1.30 ngalihari ba Sepital Kanowit.

Dipadu mangku pengawa dua taun ke udah, niang endang nadai kala lembau enti disebutka mantu orang ke tusah, besaup enggau bala bukai mutarka sebarang penanggul ti nuntung raban bansa Dayak ditu.

Chukup mentas, siru sereta nyamai enggau bebakih endang semampai dikenang semua orang ti teleba begulai enggau niang kelimpah ngembuan ulah ti kemerah, nadai nemu enda nyapa pangan.

Ari nya, Pedas ngenataika penyinu ati ngagai sida niang sebilik sereta ngarapka sida liat ati napi penguji besai tu kelebih agi ngagai balu enggau anak niang. Pedas mega besampika semengat niang diau likun sereta lantang.

PEGI ENDA PULAI AGI… Niang Jenggut Atan deka semampai dikenang.