ARTIKEL

Pegawai Pelilih, Residen dipinta terus nyadi Majistret

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Semua Pegawai Pelilih di 45 pelilih menua enggau Residen ba 12 bagi menua di nengeri tu dipinta nampung pengawa nyadi Majistret Kort Bumiputera Sarawak.

Sapit Menteri di Opis Premier Sarawak (Undang-undang enggau Adat Bumiputera) Jefferson Jamit Unyat madah, pangku pengawa sida nyadi Majistret deka ditan datai ke bisi Ordinan Mahkamah Bumiputera Sarawak ke baru.

“Enti Ordinan baru nya diterit lalu Residen engka enda bejalaika pengawa akim nyadi majistret tang ba pengawa ke bukai.

“Siti ari pangku pengawa ke engka dilempai ba sida meri sanding penemu enggau orang tengah ba kes nitih pematut sebedau difail dikena mutarka siti-siti kes ngena atur pengawa.

“Tuju kitai ngambi kededua raban bela bulih pemaik lalu nadai raban ti alah kelebih agi ba kes ngaul petalat entara bakih, diri sebilik tauka entara komuniti,” ku iya.

Jamit nibarka jaku nya lebuh bejadika Seminar Ngatur Kes Kort Bumiputera Sarawak Bagi Zon Tengah ditu tadi.

Perintah ku iya, benung berunding deka madamka Ordinan ke bisi diatu lalu ngahga Ordinan baru ti nangkup peminta kemaya hari enggau dudi hari nengeri tu tang nyentuk sehari tu, Ordinan ke bisi diatu mengkang dikena.

Jamit nyemetak madah ke ordinan baru nya endang beguna endar laban perintah sedarka sekeda Residen enggau Pegawai Pelilih engka bisi tatak ba awak enggau penau ngatur pengawa nyadi Majistret Kort Bumiputera sida empu.

berita penuh ba Ruai 3 pagila

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

PUSTAKA agih daging korban kepada 220 asnaf

KUCHING: Perbadanan Kemajuan Perusahaan Kayu Sarawak (PUSAKA) memperluaskan rezeki dengan mengagihkan daging korban sempena Program Ibadah Korban PUSAKA 2024 kepada 220 orang asnaf bertempat di