NGENJEN DI SEMANDIN animasi bahasa Sarawak pertama di Malaysia

19 jam lepas

Pekebun mit sawit Serian dipinta rejister ba KPSM

Indun Silong
RUAI
11 Disember 2021
2:36 pm

SERIAN: Sapit Menteri Pengawa Bekebun enggau Komoditi Datuk Willie Mongin ngansak raban pekebun mit sawit di Serian ngerejister diri enggau Gerempung Kerejasama Nanam Sawit Mendam (KPSM) Pelilih Menua Serian Berhad ungkup pemaik sida.

Ku iya, naka diatu semina 543 iku raban pekebun mit sawit ti nyadi kaban KPSM Pelilih Menua Serian Berhad ari 2,086 iku pekebun mit kediri (PKP) ti bisi ba kandang menua nya.

“Bisi 60 buah KPSM ditumbuhka ba Sabah enggau Sarawak, iya nya 27 buah ba Sabah enggau 18 buah di Sarawak.

“Ari data Opis Minyak Sawit Malaysia (MPOB) sepenyampau 40,429 PKP bisi lisin di Sarawak, tang semina 3,476 pekebun aja ti nyadi kaban KPSM,” ku iya.

Williemadah munyi nya rambau Bejadika Pejalai Agrikomoditi Malaysia Sebilik di Balai Balu Tayung Langui, Kampung Piching Tebedu ditu, kemari.

Iya madahka KPSM ulih mantu nambahka penatai pemisi sida enggau lebih betusun.

“Naka 30 Oktober, bisi 40,429 PKP belisin ba baruh MPOB ti nanam sawit enggau pengeluas tanah 232,765.18 hektar ba Sarawak.

Baca lain Gawai Nyanggit Bulu: Ngangau Antu Gayu

“Ari penyampau nya, 27,633 PKP tu tauka 68 peratus sida ngembuan Setipikit Minyak Sawit Tetap Malaysia (MSPO) di baruh Tumpuk Minyak Sawit Tetap (SPOC) di menua tu.

“Penyampau tu mungkur 559 PKP kaban SPOC Q6 Tebedu enggau 861 iku ti berejister ba baruh SPOC Q5 Serian,” ku iya.

Iya madahka, dikena ngelempungka tating bala pekebun mit sawit ngulihka MSPO, inisiatif penyampau RM25 juta udah disediaka perintah taun tu.

“Inisiatif tu mungkur belanja ungkus latih, audit, perengka pelindung (PPE), pal kebun enggau rak nyimpan rachun.

“Baka sehari tu (kemari), aku nyuaka chek bantu beungkus RM73,950 ungkup Skim Bantu Meli Mesin (Injin) kelimpah bantu PPE ngagai 30 iku raban pekebun mit sawit,” ku iya.