ARTIKEL

SAMPAL DATAI... Mensia mayuh kelebih agi peranak ngelingi Saratok diperansang sampal datai ngerichahka agi Pekit Ngayuh Ensikal Krian MTB Eco Jamboree Renggat Ke-2 2024 diatur 30 June tu.

Pekit Ngayuh Ensikal Krian MTB Eco Jamboree Renggat Ke-2 2024 diatur 30 June tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARATOK: Pekit Ngayuh Ensikal Krian MTB Eco Jamboree Renggat Ke-2 2024 ti deka diatur ba Rumah Jaga, Nanga Grenjang, Krian kena 30 June tu dipelaba deka besemekih besai.

Pekit nya ila deka ngemataka semekih besai ari 201 penyereta bepenau ari bemacham selampur Sarawak, Sabah, Semenanjung Malaysia sereta menua Brunei Darussalam.

Ukai naka nya aja, pekit nya bela deka dipasuk penyereta ari Sarawak ti deka ngambi bagi ba Lumba Malaysia (Sukma) XXI 2024.

Pengatur Pekit Ngayuh Ensikal, Saiful Hanizam Suhaini madah, bala penyereta nya deka besatup ba enam kategori.

Iya madah, nya nyengkaum kategori Tebuka Lelaki dipasuk 53 penyereta lalu dientudi ke kategori Master A (40 nyentuk 49 taun) dipasuk 50 penyereta.

Nangkan nya, kategori Master B (50 taun enggau tuai agi ari nya) dipasuk 40 penyereta.

“Kategori nembiak (17 taun enggau biak agi ari nya) dipasuk 32 penyereta tang ungkup kategori Tebuka Indu enggau Betutup Betong bela dipasuk 15 enggau 11 penyereta,” ku Saiful.

Iya madah, pekit sekali tu nyendia perais mata duit sepenyampau RM19,430 ungkup bala pemenang berengkah ari penuduk champion nyentuk penuduk ke-10.

Terang Saiful, pekit nya diatur Opis Pelilih Mit Nanga Budu, Krian nengah kerejasama Gerempung Ngayuh Ensikal Bagi Menua Betong enggau Palan Servis Kaban Kunsil Nengeri (ADUN) Krian serimbai Festival Krian 2024.

Dulu agi ari nya, iya ngelalau mensia mayuh kelebih agi bala peminat lumba ngayuh ensikal sampal datai ngerichahka agi pekit nya ila.

BERITA LAIN

BERITA TERBARU