ARTIKEL

Pekit Pemajik Gamal LBC diatur online kena 29 – 30 Mei 2021

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Indu dara beumur 13 ngagai 17 taun diperansang ngujika nasip diri masuk Pekit Pemajik Gamal LBC.

Pemungkal EL Lyana Resources, Elvyana Lina Kalong madahka pekit nya diatur dikena narak ulah angkunka ngepan asal Iban ngagai rebak baru.

“Ba pekit tu, sida ke dara dipinta begambar ngena Ngepan Iban ti diambi berengkah ari sehari tu, 29 Mei nyentuk 30 Mei ila.

“Tiga iku pemenang deka dipadah ba facebook EL Lyana Resources kena 5 June tu,” ku iya lebuh dirandau Suara Sarawak tadi.

Elvyana madah baru, gambar pemekit mesti dianjung ngagai iya empu ba lumur 0148833459, Shirley Dang (01120867783) enggau Veronica Runi (0138208300) nengah WhatsApp enggau pesan baka selama.

KE CHUNTO… Siti chunto gambar ti tau dianjung lebuh bepekit.

Nambahka nya ku iya, bala pemekit enda ibuh irau ati laban pekit nya diatur nadai bebayar.

Ungkup penerang champion pekit deka nerima kereban pemajik ari madu kelulut, minyak angi Indai Embom, mata duit sereta perais bukai.

Penerang silik tau dibacha ba laman facebook EL Lyana Resources.

Ku Elvyana, kelimpah ngatur Pekit Pemajik Gamal LBC, serikat iya mega nyadi pemelanja Pekit Kumang Gawai enggau Unduk Ngadau ABS 2021.

“Tu siti pekara baru ngagai aku laban tu mih keterubah melanja pengawa ngatur pekit,” ku iya nyimpul randau.

 

 

 

NYADI PERANSANG… Elvyana Lina Kalong nengah Pekit Pemajik Gamal LBC deka narak rebak baru angkunka ngepan asal Iban.

BERITA LAIN

BERITA TERBARU