KUCHING: Institut Aminuddin Baki (IAB) Pampang Sarawak merambu numbuhka ‘My Digital Classroom’ dikena negapka pelajar digital enggau teknologi di Sarawak.
Direktor IAB Pampang Sarawak, Edmund Shah Tambi madah, nya juluk IAB bekerejasama nyadi pemungkal kaul entara Perintah Besai enggau Perintah Sarawak.
“Kami merambu numbuhka ‘My Digital Classroom’ di IAB ngagai Premier Sarawak dikena mantu tuai pelajar ba Sarawak landik ngena digital lebuh ngajar bala nembiak,” terang iya.
Edmund Shah mansutka jaku nya pengudah ngatur penemuai basa ngagai Premier Sarawak, Datuk Patinggi Tan Sri Abang Johari Tun Openg di Wisma Bapa Malaysia, ditu tadi.
Edmund Shah madah, tuju pejalai nemuai meri basa nya laban deka berandau pekara bekaul peminta pelajar digital ba sekula dikena ngamat ke juluk Perintah Sarawak.
