Pelajar pesindang napi pemansang

SAMALAJU: Bala apai indai ke bisi anak besekula di menua tu kelebih agi ba sitak Samalaju diperansang ngambika lebih chakah ngemeratka pekara pelajar ti nyadika pesindang bala anak jemah.

Kaban Kunsil Negeri (Adun) Samalaju Majang Renggi madahkah, lalau nya senutuk bendar beserimbai enggau bala anak ti baru berengkah masuk besekula ba taun baru tu.

“Pengawa pelajar sekula mesti diperati enggau dikemeranka kelebih agi apai indai awakka anak ulih sama nyingkang mansang nitih ke orang jemah ila,” ku iya.

Majang mansut ke penemu nya lebuh ke bejaku rambau Pengerami Nyambut Taun Baru 2020 bepalan ba Rumah Bakar Sigat, Sungai Telong, ensana.

Ku iya, sitak Samalaju siti menua ti benung mansang maju laban mansut ke asil menua tu lalu palan industri minyak enggau gas kelimpah ari palan kilang-kilang ke besai.