KAPIT: Pelilih Kapit deka terus dikemansang lalu asil iya ulih dipeda nengah dua projek pemansang ke baru udah dikemendarka Menteri Besai Datuk Seri Ismail Sabri Yaakob ba pejalai gawa iya ke Kapit ensana.
Dua projek nya mungkur pengawa ngaga Jalai Alternatif ari Jalai Padang Bilun Lama, Kapit ke Kompleks Perintah Nengeri urung 1.5 km pemanjai) enggau projek ngaga sebuah jematan beungkus RM20 juta.
Manakala projek kedua yang diluluskan beliau ialah menaik taraf Hospital Kapit untuk kegunaan Hemodialysis bagi pesakit buah pinggan dengan nilai RM5 juta.
Kenu ku Menteri Dagang Dalam Menua enggau Pekara Penguna ke Datuk Seri Alexander Nanta Linggi dua projek nya endang chukup beguna ngagai peranak Kapit.
“Ari projek ngagai jalai alternatif tu deka mutarka penanggul jalai sekut ba Pasar Kapit lalu pekara nya nyadi isu besai ke patut diputar lengkas.
“Udah nya, pengawa ngemanah Sepital Kapit tu chukup beguna dikena nangkup peminta peranak Kapit,” ku iya maya bejadika Projek Jematan Kedua Sungai Yong, ditu.
Nangkan ke nya, Nanta mega madah pengawa ngaga Jematan Kedua Sungai Yong Kapit endang utai ke udah lama dianti peranak Kapit.
“Menteri Besai kala bejalai gawa ke Kapit taun 2010 enggau 2016 maya iya agi nyadi Menteri Pemansang Menua Pesisir enggau Wilayah (KKLW) enggau mega maya nyadi Menteri Dagang Dalam Menua enggau Pekara Penguna.
“Iya chukup nemu pekara ke diguna peranak Kapit ti tubah begunaka pemansang sebaka enggau menua bukai.
“Nya alai, ngarika peranak Kapit, aku meri besai terima kasih ngagai Perintah Besai laban udah ngagihka belanja dikena ngemujurka dua projek pemansang tu,” ku iya.
