Pelilih Kuching diatu zon kuning

KUCHING: Pelilih Menua Kuching seharitu betukar status ari zon mirah ngagai kuning pengudah penyampau kes di pelilih menua tu dirikodka semina 39 kes dalam timpuh 14 hari.

Komiti Penyaga Penusah Ngenyit Nengeri (JPBN) dalam siti penerang media kemari madahka nangkan bisi lima pelilih agi mengkang zon kuning iya nya pelilih menua Samarahan, Serian, Bau enggau Lundu.

Diatu penyampau kes positif Covid-19 di pelilih Samarahan mengkang 11 kes ditangkan Serian (3) lalu Lundu enggau Bau bela siti kes dirikod dalam timpuh 14 hari.

Seharitu mega, JPBN mega madahka Sarawak nadai ngerikodka kes positif Covid-19 baru ke alai penyampau kes positif Covid-19 di menua tu mengkang 678 kes.

Taja pia, kluster aktif Covid-19 di menua tu mengkang 10 iti iya nya Kluster Syarikat Kejuruteraaan lapan kes, Kluster Mambong (7), Kluster Pusat Perubatan (3), Kluster Jupiter (3), Kluster Pasar Stutong (7), Kluster Jeti Kuching (2), Kluster Sentosa (31), Kluster PUI Melbourne (2), kluster Syarikat Pembinaan Kuching (2) enggau kluster Pasar Satok (4).

Nangkan nya, JPBN madahka bisi tiga kes baru udah suman sereta dikemendarka pansut ari Sepital Besai Sarawak sehari tu.

Tu ngujungka penyampau kes udah suman sereta dikemendarka pansut ari sepital bisi 594 iku.

Suara Sarawak