Pelilih Lundu status Kuning

KUCHING: Pelilih Lundu kemari udah bebali ari status gadung ngagai status kuning pengudah ngerikod siti kes berampit baru.
Nitihka penerang Komiti Penyangga Penusah Nengeri Sarawak (JPBNS) madahka Sarawak kemari ngerikod 171 kes baru positif Covid-19 iya nya 77 kes di Sibu, 43 kes di Miri, 25 kes di Dalat enggau 12 kes di Bintulu.
Pia mega, 10 kes di Kuching, dua kes di Betong sereta bela siti kes di Kapit enggau Lundu ngujungka kes positif Covid-19 nambah ngagai 3.945 kes.
Kemari, Sarawak sekali agi ngerikod siti kes pemati ba Pelilih Sibu ngujungka kes pemati nambah ngagai 35 kes.
Kes pemati ke 35 nya kes ke-2,047 ngaul siku indu peranak menua beumur 79 taun diperubat ba Sepital Sibu kena 13 Januari tu tadi laban bisi kelai renga enggau ditemu positif Covid-19.
Orang tuai nya ditukuka bebadi nyawa kena 27 Januari tu tadi kelimpah bisi penyakit bukai baka penyakit tinggi darah enggau dementia.
Bisi 100 kes udah suman enggau dikemendar pansut ari sepital kemari iya nya 62 kes di Sepital Sibu, 16 kes di Sepital Besai Sarawak (SGH), 15 kes di Sepital Miri, enam kes di Sepital Bintulu enggau siti kes di Limbang.
Tu ngujungka kes udah suman nambah ngagai 2,201 iku tauka 55.79 peratus.
Naka tu, bisi 1,693 iku agi diperubat ba wad isolasyen iya nya 1,068 iku ba Sepital Sibu, 301 iku ba Sepital Miri, 159 iku di SGH, 105 iku ba Sepital Bintulu enggau 41 iku di Sepital Kapit
Nambahka nya, 14 kes di Sepital Sarikei, empat kes di Sepital Limbang enggau siti kes ba Sipitang, Sabah seraya bisi 295 PUI baru dirikodka enggau 79 PUI agi nganti pemutus makmal.