Pelilih Marudi mali kuning

KUCHING: Pelilih Marudi udah mali ngagai status kuning pengudah ngerikod siti kes baru positif Covid-19.

Sekretariat Komiti Penyangga Penusah Nengeri (JPBN) Sarawak madahka Pelilih Selangau, Kanowit, Betong, Meradong, Kuching, Samarahan, Kapit, Bintulu, Miri enggau Sibu mengkang ba status mirah.

Pia mega, 10 buah pelilih nya mengkang ba status mirah pengudah ngerikod 2,554 kes berampit dalam menua ba timpuh 14 hari ke udah.

Sarawak ngerikod 159 kes baru Covid-19 iya nya 52 kes di Sibu, 49 kes di Betong, 18 kes di Kuching, semilan kes di Miri enggau lima kes di Sarikei.

Nambahka nya, bela tiga kes di Dalat enggau Samarahan sereta bela siti kes di Sri Aman, Bukit Mabong, Marudi, Tatau enggau Subis ngujungka kes nambah ngagai 9,924 kes.

Naka diatu, Sarawak ngerikod 25 kluster agi ngerekai di Sarawak lalu siti kluster udah punas iya nya Kluster Sekubong di Sebauh pengudah nadai ngerikod kes baru dalam timpuh 28 hari.

Suara Sarawak