ARTIKEL

Peluang manah negap penyerakup

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Kaban Parlimen Lubok Antu, Roy Angau Gingkoi ngelalau mensia mayuh ngambi negap penyerakup beserimbai Hari Raya Aidilfitri.

Ku iya, rayat pupu bansa ba menua tu betuah laban diau ba menua ti likun sereta lantang.

“Nya alai, pengelikun enggau pengelantang tu patut ditegap nengah penyerakup, pemanah kaul sereta bebasaka pangan diri.

“Beserimbai enggau Hari Raya Aidilfitri tu, aram meh kitai sampal ngabang ngagai menyadi kitai raban Muslim dikena negap pemanah kaul enggau nempa penyerakup.

“Tu meh peluang kitai begulai manah sereta minta ampun ngagai pangan diri enti bisi pengilap,” ku iya.

Roy mansutka jaku nya rambau dirandau pemberita bekaul pesan Hari Raya Aidilfitri 2023 ngagai semua rayat ba menua tu.

Iya mega ngelalau mensia mayuh ngambi bejimat maya deriba mulai kediri ke menua sereta nyaga pengelikun diri enggau orang bukai.

Ku iya, ngetu enda lama enti ngantuk sebedau nampung pejalai diri.

Kaban Parlimen Lubok Antu nya ngarika sida sebilik meri Selamat Hari Raya Aidilfitri ngagai semua raban Muslim, bala bakih, bakih sama gawa enggau kaban belayan ti ngintu pengerami nya.

“Kena meh peluang tu begulai enggau diri sebilik pengudah dua taun kitai enda ngintu pengerami tu enggau menyana ketegal penanggul pengerekai Covid-19,” ku iya.

BERITA LAIN

BERITA TERBARU