KUCHING: Sinu ngenang pengelelak enggau pengiruh raban terabai komuniti ti gawa, dia raban Kuching Skills College (KSC) ditu ngena inisiatif sida empu ngayanka penyiru ngagai raban nya.

Tuai Pegawai Eksekutif KSC, Novert Sullang madahka bala sida nyendiaka pemakai dikena merarau ungkup raban Polis DiRaja Malaysia (PDRM) enggau Raban Soldadu Malaysia (ATM).

Ku iya, pemeri nya kelai sida ngenang pemesai jasa raban ti bebendar gawa nyaga pengelikun menua nyengkaum bala ti matau enggau nyaga pengawa ngempang jalai (SJR).

“Kami sebuat temegah ati ulih nyendiaka pemakai ungkup raban PDRM enggau ATM ti nyaga SJR sepemanjai jalai Kuching – Samarahan Expressway ditu.

“Arapka pemeri tu ulih nyadika peransang sida ke gawa, meri pengering enggau pengerai ngagai tubuh mega,” ku iya ba sebengkah penerang nengah Facebook Rasmi KSC, kemari.

Novert madah baru, nya sebagi ari chara dikena sida malas jasa raban terabai komuniti ti sanggup berambunka nyawa ngelaban munsuh enda dipeda mata.

Berita penuh Ruai 6 pagila