ARTIKEL

Pemanah basa matak temuai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BAU: Raban bansa Bidayuh ti chukup kemerah nya kelai manah ungkup industri dagang temuai, ku Datuk Abdul Karim Rahman Hamzah.

Menteri Dagang Temuai, Industri Kreatif enggau Seni Pemerindang nya madah, pemanah ulah raban bansa nya ngasuh pengusung ngasaika diri diterima lebuh ngabas kandang menua sida.

“Aku udah ngelawa mayuh endur, baka di Bau, aku udah ngagai Semadang Safari tauka Silbaur di Serian enggau endur bukai.

Aku ngasaika penatai diri semampai dikelalu.

“Tu meh pemanah ulah enggau basa raban bansa Bidayuh lalu aku pechaya nya kelai manah ungkup industri dagang temuai,” ku iya.

Karim bejaku munyi nya beserimbai Hari Bung Bratak, Hari Satu tu tadi.

Nambah ke nya ku iya, tebal agi raban bansa Bidayuh mega ngaul diri ba industri dagang temuai, hotel enggau hospitaliti.

“Kita tau ngagai sebarang hotel di Kuching, tebal agi orang ti gawa ba hotel nya komuniti Bidayuh.

“Pengaji ngaji sida gawa laban sida ngembuan ulah kemerah ti ulih matak pengusung,” terang iya.

Ngelansa pasal Hari Bung Bratak, Karim meri tabi puji ngagai Chairman Palan Pesaka Bung Bratak, Datuk Peter Minos enggau raban iya laban udah matak mayuh pengusung.

Ku iya, pejalai program ti bisi besangkut paut enggau main asal, komuniti, muzik tauka pemakai ulih narit mayuh agi pengusung.

Nya alai, iya pechaya program baka nya nyadi pematak besai ngagai industri dagang temuai ba menua tu.

Sama datai Sapit Menteri Pengangkut ke mega Adun Tasik Biru, Datuk Henry Harry Jinep, Adun Serumbu Miro Simuh, Adun Opar Billy Sujang enggau Kaban Parlimen Mas Gading, Mordi Bimol.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU