ARTIKEL

BESERAKUP… Adam Yii begambar enggau bala penerima geran MRP DUN Pujut diatur ditu empai lama. GAMBAR UKAS

Pemansang asil nagih MA63

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MIRI: Pemansang besai ti udah dijapai Sarawak kandang beberapa taun ke udah asil ari nagih hak di baruh Sempekat Malaysia 1963 (MA63).

Kaban Kunsil Nengeri (ADUN) Miri, Adam Yii madah, reformasyen tu nyadi pengawa ke beguna endar ungkup rayat Sarawak enggau nambahka otonomi sida.

Iya nyemetak madah, semina nengah penyerakup tegap, Sarawak ulih ngintu nasip enggau pengelantang rayat.

“Taja napi mayuh penguji, Sarawak tetap nyadi sebagi ari Malaysia, begempung nagih hak enggau pemansut nitih pematut.

“Pemansang pemadu baru nunjukka pemesai reti pengawa tu ukai semina ungkup Sarawak aja tang ungkup semua,” ku iya.

Adam Yii nyebut jaku nya ba mua mayuh rambau Pengawa Nyuaka Geran Projek Mit Pemansang Menua Pesisir (MRP) sitak Pujut, di Palan Servis Pujut, Miri empai lama.

Ngenang pengawa sehari nya, bisi 21 gerempung enggau serakup udah nerima geran MRP Pujut ngaul penyampau RM60,000 ngambi bisi dikena bejalaika aktiviti sida.

Ngena peluang nya, iya ngansak raban gerempung enggau serakup ngena manah belanja nya ungkup pemaik bala kaban enggau komuniti kelimpah ari pengidup lantang nengah aktiviti ke diatur. – EDISI UKAS

BERITA LAIN

BERITA TERBARU