ARTIKEL

Pemansang bungkur semua dikemerat

Facebook
Twitter
LinkedIn
WhatsApp
Telegram

KUCHING: Perintah Sarawak ngembuan juluk ngemerat konsep bungkur semua rayat seraris enggau segang pemansang nengeri, ku Menteri Utiliti enggau Telekomunikasyen, Datuk Julaihi Narawi.

Iya madah, rayat mangku tanggungpengawa besai meransang ekonomi ti ngembuan penatai pemisi besai sereta nempa Sarawak nyadi wilayah maju manggai taun 2030.

Ku iya, pekara nya baka ti dirintai ba Strategi Pemansang pengudah COVID-19 2030 (PCDS 2030).

“Ba taun 2018, Sarawak ngepunka singkang ba pemansang ekonomi digital nengah pemaik ari pemansang teknologi enggau inovasyen bepelasar ke struktur ekonomi wilayah tu empu, bemacham main asal sereta rentayan rama.

“Nya alai, kitai ngembuan juluk dikena nyapai pemansang ekonomi rama ti meruan sereta nyapai status wilayah maju ba Malaysia manggai taun 2030,” ku iya.

Julaihi mansutka jaku nya rambau Aum Besai Inovasyen enggau Teknologi Dunya (WCIT) ENGGAU Aum Ekonomi Digital Antarabansa Sarawak (IDECS) 2023 ba Palan Aum Borneo Kuching (BCCK) ditu, kemari.

Iya madah, pelin pemansang Sarawak diaku enggau manah ba Strategi Ekonomi Digital 2018-2022 ti dilanchar ba taun 2018 lalu dientudi ke PCDS 2030 ba taun 2021 sereta Pelin Atur Ekonomi Digital 2030 dilanchar kena 4 Oktober tu tadi.

Sepanjai timpuh perambu pemansang berengkah ari taun 2018, Sarawak chakah ngalih ari ekonomi lama ti bepelasar ke komoditi ngagai ekonomi digital, gadung enggau sekular ti dirandang inovasyen, teknologi enggau pemeruan seraris Juluk Pemansang Meruan Serakup Bansa Besatu (UNSDG).

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU

Kesihatan Tze Yong diutamakan BAM – Norza

KUALA LUMPUR: Persatuan Badminton Malaysia (BAM) mengambil pendekatan tidak terlalu memberi tekanan kepada pemain perseorangan lelaki negara, Ng Tze Yong, dalam usaha mengejar slot ke