ARTIKEL

Pemansang deka diagih sebela

Facebook
Twitter
LinkedIn
WhatsApp
Telegram

ROBAN: Semua 35 rumah panjai enggau 14 genturung pendiau kelimpah ari pasar enggau taman genturung pendiau nyengkaum 14 sekula ba DUN Kalaka deka dikemansang penuh berenggat nengah bemacham insiatif perintah.

ADUN Kalaka, Mohamad Duri madah, Perintah Gempung Parti Sarawak (GPS) udah ngemendar mayuh projek ninting taun kelebih agi nengah Program Transformasyen Menua Pesisir (RTP) ngambi Saratok kelebih agi Kalaka enda tinggal pemansang.

“Pia mega, sukung ari Ejensi Pemansang Bagi Menua Betong (BDDA) ba pengawa bejalaika sekeda projek besai ti udah lama dianti komuniti ditu.

“Nya kebuah kitai beterima kasih ngagai perintah laban udah ngemendar mayuh projek ngambi mayuh fasiliti ulih disedia.

“Nengah RTP, BDDA enggau Projek Mit Pemansang Menua Pesisir (MRP), aku andal rayat ulih ngasai pemaik besai laban nya deka diagih ngagai semua sitak,” ku iya.

Terang iya, sitak ti begunaka mayuh agih belanja deka dipejalai berenggat nyentuk tembu.

Ku iya nyemetak, ambi ke chunto, sistem parit ba semua genturung pendiau peranak ba DUN Kalaka deka diseleti.

“Taja pia, semua tu deka dipejalai berenggat. Semua palan deka diseleti (sistem parit) ngambi ulih nganyutka ai enggau menyana.

“Ejensi bekaul enggau Palan Servis ADUN Kalaka deka ngaga pengawa mansik dikena ngelala ni projek ti patut dikemerat dulu enggau pengudah nya,” ku iya.

Mohamad Duri ngelalau Komiti Pemansang enggau Pengelikun Genturung Pendiau (JKKK) ngambi bejalaika pangku pengawa sida nyukung genap perambu perintah.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim