ARTIKEL

Pemansang jaku Iban pugu pengelati bansa Iban

Facebook
Twitter
LinkedIn
WhatsApp
Telegram

SIBU: Pengajar Peni Nyanggai pechayaka pemansang jaku Iban pugu pengelati raban bansa Iban.

Nya alai iya ngarapka Program Ngelatika Akademik Nembiak (POCEM) suah agi diatur ngambi jaku Iban seruran mansang sereta lati nunda singkang pemansang jeman.

Iya mega ngarapka program baka nya ulih matak sukung tegu tari raban gerempung ukai dikuasa perintah (NGO) kelebih agi NGO bansa Dayak Iban ke bukai.

“Aku meri tabi puji ngagai Gerempung Bansa Dayak Sarawak (SDNU) Pampang Sibu kelebih agi chairman sida, Chambai anak Lindong enggau Tuai EXCO Unit Pelajar SDNU Pampang Sibu, Pengajar Johnady anak Janton udah meri sukung ngagai bala kami pengajar.

“Tu taun kedua program baka tu udah diatur ba menua Sibu lalu aku ngarapka program ke baka tu ulih suah agi digaga awakka nembiak ngasaika diri dikeibuhka bala NGO ba menua bukai.

“Pia mega aku ngarapka mayuh agi NGO mansutka diri mantu ba kami kelebih agi ari sukut belanja dikena nempa enggau ngelatika nembiak ke ngambi Jaku Iban ba sekula,” ku iya.

Pengajar Peni nibarka penemu nya lebuh dirandau pengudah ngulu POCEM Jaku Iban Sijil Pelajaran Malaysia (SPM) diatur begulai SDNU Sibu enggau Opis Pelajar Pelilih (PPD) Sibu enggau PPD Kanowit kena Hari Enam tu tadi.

Iya madah, tuju enggau juluk ati sida ngatur program nya awakka bala nembiak ti ngambi bagi ulih nyadi bandmark nembiak ke bukai jemah ila.

“Kami mega andal mayuh agi nembiak lati dalam peresa, mayuh agi nembiak baru tekait ati deka ngambi pelajar tauka subjek Jaku Iban ba sekula.

“Kebuah pia laban aku enggau bala kami ke nyadi pengajar pechayaka pemansang Jaku Iban pugu pengelati raban bansa Iban.

“Baka sulu jaku program sehari tu, Jaku Lati Bansa Pegari,” ku iya ngeraup penemu diri.

Ngenang pasal POCEM Jaku Iban SPM diatur ba Dewan Wawasan Sekula Sekondari (SMK) Sungai Merah sekali tu, Pengajar Peni tepantup ati meda pemayuh tubuh bala ke ngambi baka nyau baka daun gawai.

TAJAM RUNDING… Pengajar Peni benung betanya ngagai pengelicha pasal tips nyaut tanya keretas Jaku Iban.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU