ARTIKEL

Pemansang pelajar nyapai juluk menua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak benung meri perati ba pengawa ngemansang pelajar ba wilayah tu, ku Penyanding Penemu ba Opis Premier (Pekara Pelajar) Datuk Amar Michael Manyin Jawong.

Manyin ke mega Kaban Kaunsil Amanah Yayasan Sarawak madah, Yayasan Sarawak deka nyadi ejensi besai ngamat ke juluk nya.

“Kami dipinta gawa bebendar laban baka ti udah dipadah Premier Datuk Patinggi Tan Sri Abang Johari Tun Openg, perintah deka meri perati ba pemansang pelajar.

“Yayasan Sarawak deka nyadi ejensi besai kelimpah ari nyendiaka bantu ngagai palan pelajar tinggi baka Curtin, Swinburne, ICATS enggau ke bukai,” ku iya.

Manyin bejaku munyi nya pengudah pengawa nyerah surat dichiri nyadi Kaban Kaunsil Amanah Yayasan Sarawak ti dipenyadi Premier ke mega Chairman Kaunsil Amanah Yayasan Sarawak, Datuk Patinggi Tan Sri Abang Johari Tun Openg di Wisma Bapa Malaysia, kemari.

Kelimpah ari Manyin, Kaban Kaunsil Amanah Yayasan Sarawak bukai baka Sekretari Pekara Wang Perintah Sarawak Datuk Sri Dr Wan Lizozman Wan Omar, Direktor Opis Pelajar Sarawak Datuk Dr Azhar Ahmad, Ex-Adun Machan Datuk Sri Gramong Juna, Sekretari Perintah Besai Sarawak Ahmad Nadzri Mohd Hassan, Tuai Sekretari Politik Premier Fazzrudin Abdul Rahman sereta Presiden Serakup Gerempung China Pelilih Kuching, Samarahan enggau Serian, Datuk Richard Wee Liang Huat.

Seraya nya Sekretari Perintah Sarawak, Datuk Amar Mohamad Abu Bakar Marzuki nyadi Sapit Chairman ti dichiri pengelama tiga taun bepun 1 Januari 2023 ngagai 31 Disember 2025.

Ku Abang Johari, kaban kaunsil ti dichiri nya dipilih bepelasar ke pengelandik enggau peneleba sida ba pengawa bekaul.

Seraya nya, Azhar andal Yayasan Sarawak ulih gawa nyadi institusyen meruan sereta ulih besemekih dikena mantu ngemansang Sarawak nyadi menua maju dudi hari.

“Au, fokus perintah diatu nengah Yayasan Sarawak nya pemansang pelajar ba mayuh renggat, ari renggat sekula ngagai renggat pelajar tinggi.

“Pengawa tu dikereja ngambi Sarawak ulih maju nuju taun 2030 lalu Yayasan Sarawak ulih nyadi institusyen besai dikena nyapai juluk tu,” ku iya.

Yayasan Sarawak ditumbuh dikena mantu rayat ba bemacham pekara dalam pengidup.

Kelimpah meri sekularship ngagai nembiak pelajar ti nyulut ba pemansang pelajar enggau kereja, Yayasan Sarawak mega ngatur mayuh program rama sereta pemansang nyengkaum pekara pengerai, berumah enggau pekara rama.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Rose Blackpink sertai The Black Label

PENYANYI KOREA, Rose Blackpink menandatangani kontrak pengurusan dengan The Black Label, diketuai oleh penerbit Teddy. “Kami menandatangani kontrak pengurusan dengan artis Rose. “Penerbit Teddy dan

Pentas peragaan sentuhan Syafiq Kay

AKSI, kecekapan dan keanggunan pentas peragaan penting untuk menyerlahkan ratu cantik. Jurulatih pentas peragaan Sarawak, Shafi k Kay menyertai bidang peragaan dan kecantikan ratu cantik