ARTIKEL

Pemerani Sarawak Renjer diaku dunya

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARAWAK Renjer tu raban soldadu ke chukup tebilang di Sarawak lalu sida mega digelar tim soldadu pemadu berani enggau dipebasa ba Malaysia. Pemerani sida ukai semina diaku ba dalam menua tu tang mega menua luar baka Britian, Indonesia enggau bukai.

Siku Tuai British di Tanah Melayu iya nya Sir Gerald Templer kala madah raban Sarawak Renjer siti tim ke pemadu tebilang ba dunya lalu iya ngelar raban sida tu ‘The Sarawak Headhunter’.

Udah nya, Presiden Sukarno ke mega Presiden Indonesia kala nyebut munyi tu ; “Tentera Iban ini datangnya tidak diundang, saat pergi semua bala tenteraku hilang nyawa. Ramai yang bercerai dari badan dan kepala. Mereka sungguh pantas hinggakan tidak terlihat oleh mata manusia,” ku iya.

Nya mih entara munyi jaku ngelai pemerani raban Sarawak Renjer dulu suba, pemerani sida mega terus dikeingat nyentuk ke sehari tu enggau chukup ngemegahka nama Sarawak.

Lebuh ngelaban munsuh, sida deka manjung nyebut Agi Idup Agi Ngelaban! Leka jaku nya bepun ari Brooke nempa 120 iku Iban Renjer dipegai Komander Mejar WH Rodway berambaika jaku peransang ‘Dom Spiro Spero-While I breath, I hope’.

KENANG… Dajai begambar enggau raban PBDS, ASP Wilfred Gomez Malong (kanan) enggau ex-Sapit Kepala Menteri, niang Datuk Seri Daniel Tajem Miri.

Kenu ku tusui Koperal Renjer, Dajai anak Anggie, iya meruan ingatka pejalai maya 17 iku kaban Rejimen Renjer 1 kena serang ba sebuah langkau kebun.

Haribulan maya nya, kena 28 Oktober 1971 lebuh Operasyen Ngayau, tim sida diasuhka bejalaika pengawa nginau ba dalam kampung di Bintangor.

Pengawa nya platun kami betuaika komander Sarjan Mileng Kilong lalu Dajai nya nyadi komander kedua madahka pejalai sida nya disempulang bala bukai baka Renjer Unggek Antin ke bisi bepeneleba sereta bala pegawai bukai baka Koperal Malang Sabar, Koperal Berawi Jaraee, Lans Koperal Liman Japok enggau Lans Koperal Ukar Belit.

Pia mega, 10 iku agi bala bukai nyengkaum Renjer John Unjang, Nyambong Bansa, Josing Nakid, Arshad Shahrin, Sandom Embin, Balau Jalong, Rimau Buda, Simahbut Subikan, Nyuak Kuyat enggau Linang Ngumbang.

“Kami ninggalka Markas lalu nepan trak soldadu sebedau tama ngagai Sungai Kedup, endur ke dipelaba bisi bala munsuh. Nyau pemuas nyidi bekau munsuh urung pukul 5 lemai, dia Sarjan Mileng ngaga pemutus mai kami bemalam ba sebuah langkau kebun peninggi empat kaki ari tanah.

“Lebuh bala platun ke bukai udah datai, 15 iku ari sida diasuh nguan langkau seraya dua iku agi renjer bukai iya nya Arshad enggau Simah diasuh bejejaga ba luar langkau nya.

“Iya ga maya nya nyerumba bulan Ramadan, soldadu Melayu endang berengkah nyendiaka pemakai halal ungkup diri empu,”ku iya.

BUJANG BERANI.. Dajai begambar enggau midul diterima iya.

Udah nya, ku Dajai, bala renjer bukai endang sama ngintu diri sereta udah teleba diau ba langkau kebun. Laban nangika pengelikun, dia Renjer mantah penemu ti mai sida ngenduh ba langkau nya. Iya madah diri enda nyamai ati.

“Lebuh kami ngenduh dia, tak lain asai ati aku, takut enggau kesal ati. Aku ngasaika langkau kebun tu nyangka dikena munsuh manjuk kami. Tang mayuh bala renjer enda arapka jaku aku, sekeda ari sida nyau ketawa maya aku madah munyi nya.

“Siku ari sida madah, enti nuan takut nama kebuah masuk nyadi soldadu? Manah agi nuan pulai lalu ngena tanchut bini nuan. Laban ngasaika diri ukai bepangkat tinggi, aku enda nyaut jaku sida,” ku jaku Unggek ke mega asal ari Kapit ke nadai pelajar sereta suah dikemeli.

“Semua kami terus nindukka diri ba langkau kebun orang nya, aku berimbai enggau Koperal Berawi. Urung pukul 5.45 pagi, kami ninga bunyi utai meletup semak amat ari endur kami ke bemalam nya.

“Udah nya baru aku nemu, langkau endur kami ngenduh nya udah dipanjuk enggau tujuh panjuk digaga sida empu ba baruh pun kayu sereta bom disambung ngena tali wayar panjai ngagai langkau kebun bukai,” ku Dajai.

AGI IDUP AGI NGELABAN

Lebuh bom nya meletup, munsuh enggau bala bukai terus nimbak ari dalam lalu Renjer Simahbhut enggau Arshad ke diatu ba luar nyau baka ditikau ketegal empas bom nya.

MERUAN DIKENANG…Gambar kenang Dajai (kiba) niang Datuk Awang Raweng.

Dajai beguai belanda lalu ngasuh Arshad telefon ngagai Markas ngambi nyaup sida.

“Beguai aku manjung ngasuh iya minta saup raban ari Markas. Nasip bendar Arshad mendingka pesan nya lalu berapa sikin udah nya, munsuh nimbak set radio ngujungka nadai ulih diguna agi.

Lebuh bala platun nyau bendar ngiga senyata dalam petang, urung 30 munsuh enda ngetu nimbak nyelinting langkau kebun nya.

“Nyau ke lama, sida ngetu nimbak lalu aku bisi ninga munush manjung bejaku dalam jaku Iban madah, manah agi kita nyerah diri!.

“Kebendar, sida udah nyidi pejalai kami lalu nemu kami semina bisi 17 iku aja lalu sida ngembuan mayuh bala,” ku Dajai ke mega asal ari Betong.

Enda mendingka jaku nya, Dajai bediri lalu manjung Agi Idup Agi Ngelaban!

“Terubah nya, bala aku agi tekenyit lalu enda engkebut tang aku manjung sekali agi, baru sida meretika utai padah aku,” ku iya.

Lebuh sida ba timpuh selamat, dia Pegawai Kanan Sarjan Mileng ke udah endang masuk nyadi renjer dalam taun taun 1958 nya orang keterubah pansut ari endur nya. Iya nimbak ngena Senapang Bren enggau nikauka bom.

Dajai enggau Renjer Unggek udah nyereta iya lebuh munsuh takut meda chara sida betimbak.

Jam maya nya udah belabuh kerebak tawas urung pukul 6 pagi, sida ulih meda bala munsuh majak nyurutka diri lalu ngirit bala sida ke balat bakal ketegal kena timbak.

ENDA MUDAH NYERAH

Ex-Sarjan Dajai Anggie

Dajai madah lebuh Sarjan Mileng nesau, iya enggau Unggek udah mansang ngagai jalai bala munsuh ngelarika diri. Udah nya, bala bukai ba langkau nya agi mengkang betimbak enggau munsuh.

“Sekeda munsuh ke agi regas mupuk ngelarika diri. Pengawa betempur enggau munsuh ukai naka nya aja. Raban munsuh datai baru nyerang nukar bala ke udah ngelarika diri. Bai pengeransing ati deka ngalahka munsuh, dia Unggek majak nimbak bala munsuh ke bisi dipeda.

“Siku munsuh lelaki dua kali deka nimbak aku tang puntan, aku malas baru lalu mujur nimbak siku munsuh indu ngujungka iya parai tekalaka nya. Bala munsuh lelaki bukai bendar deka nimbak aku tang aku merejuk ngagai parit ba tisi jalai, aku mansang baru lalu munuh iya,” ku Dajai.

Taja pia, enda memukai Unggek kena timbak munsuh bukai ba punggung ngujungka senyata dipegai iya labuh ke tanah.

“Aku pan beguai ngama abi kena timbak nya lalu bendar ngulihka senyata aku sereta berumban ngagai lelaki ke nimbak Unggek.

“Meda aku mansang, iya malik lalu nyelinting senyata nya deka nimbak aku tang puntan,” ku Dajai.

Lebuh madah pasal pengaruh dikembuan, Dajai madahka nya nyadika ‘dinding bulu’ lebuh iya nyelinting senyata ngagai dada munsuh lelaki nya ke ngasuh iya nyerah diri.

Taja pia, iya sigi enggai nyerah lalu sanggup belaban baru ngujungka seduai iya Unggek terus belaban enggau munsuh nya.

Enda lama udah nya, Sarjan Mileng, Koperal Dajai, Lans Koperal John, Renjer Rimau enggau Balau bisi datai ngesah Unggek ke udah ngetatka pemedis bekau kena timbak.

Maya nya mega, Unggek bisi nanya Sarjan Mileng, ulih ke enda iya ulih mai pala munsuh ke udah mati kena timbak. Peminta Unggek nya, ditulak enggau enda dikemendarka sarjan.

Urung pukul 7 pagi, raban soldadu dibaruh Kapten Renjer Rejimen 1, Welter Tedwong datai enggau dua trak disempulang dua buah entukar Ferret Scout.

Sida beguai nyidi bekau munsuh lalu suah tepansaka bangkai mensia enggau lima iku agi munsuh ke udah kena timbak.

Lebuh nikal kenang maya betimbak enggau munsuh, agi dikeingat iya nya Renjer Nyambong parai kena timbak ba pala. Udah nya, Rejner Malang kena timbak ba kaki sepiak kiba kelimpah ari Unggek, sereta dua iku bala bukai mega bisi bakal.

Kelai ngenang jasa pemerani sida ke udah berambunka nyawa ngelaban munsuh, dia Mileng, Dajai enggau Unggek bela udah nerima pangkat kedua pemadu besai iya nya midul Panglima Gagah Berani (PGB).

Sida mega entara 28 iku bujang berani Sarawak ke nerima midul ari Koloni British dikumbai ‘George Cross’ (GC) enggau ‘George Medal’ (GM) di Labis, Johor dalam taun 1951 enggau 1952.

Tujuh iku bala bukai bela nerima pangkat pemadu besai di Malaysia iya nya Seri Pahlawan Gagah Perkasa (SP) sereta 19 iku agi nerima PGB.

BERITA LAIN

BERITA TERBARU