ARTIKEL

Pemereti ati pugu penyerakup

Facebook
Twitter
LinkedIn
WhatsApp
Telegram

KUCHING: Inisiatif narak pemereti ati dalam komuniti pupu bansa enggau main asal ba Sarawak beguna amat nyadi pugu dikena ngetan penyerakup ba nengeri tu.

ADUN Tupong, Fazzrudin Abdul Rahman madah, integrasyen ti manah dalam komuniti beguna amat ngambi sebarang laya ulih diputar manah.

“Genap orang ngembuan penatai, gaya idup enggau pengarap ti bebida lalu bisi maya beserekang penemu.

“Lebuh laya bisi nyadi, kitai patut mutar laya nya enggau manah lalu tu bepun ari pemereti ati semua kitai.

“Lebuh kita mereti sereta bebasaka pangan diri, kitai ulih besetuju ngambi enda nyukung sebarang laya.

“Pekara tu dikena nyeliah ke kitai enda ngaul laya ti besai ti ulih ngeruga komuniti,” ku iya.

Fazzrudin mansutka jaku nya rambau bejadi Program Malam Siru Deepavali ba Balai Mayuh Guna Kampung Pinang Jawa ditu, ensanus.

Program diatur Dewan Bandaraya Kuching Utara (DBKU) begulai enggau Genturung Pendiau Siru (KJM) Gita 1 nengah kerejasama Komuniti Pengelikun enggau Pemansang Genturung Pendiau (JKKK) Kampung Gita Laut, Kampung Gita Tengah enggau Taman Fitrah sereta komuniti India Kuching.

Iya madah, pengawa ngintu pengerami etnik bukai beguna dikena ngedut pemanah kaul entara komuniti kelimpah narak ulah bebasaka pangan diri.

“Tu meh pengepun dikena kitai ngetan penyerakup ti udah diasaika kitai ngelama tu.

“Taja pen tuju program tu muntang tang kebendar tu mai reti ti besai,” ku iya.

Nya alai, iya nyukung perambu ngatur program nya ninting taun ba sitak DUN Tupong.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU