KUCHING: Menteri Muda Perengka Pengangkut Datuk Jerip Susil tetap dalam kabinet Sarawak laban agi sebagi ari Gerempung Parti Sarawak (GPS).
Ketua Menteri Datuk Patinggi Abang Johari Tun Openg madahka Jerip udah nyurutka diri ari pangku pengawa nyadi Mandal Presiden Parti Sarawak Bersatu dalam bulan Julai nyin tadi.
Ku iya, Jerip udah nganjung peminta nyemilik GPS lalu peminta iya nya agi diperunding.
Abang Johari mega enggai nerang silik pasal ni bagi parti komponen GPS ti deka nerima Jerip.
“Aku deka berundingka peminta iya lalu madahka pekara tu ila,” ku iya madah nyemetak.
Iya mansutka jaku nya ngagai pemberita pengudah bejadika Forum Ngerapitka Kaul Dagang enggau Pemeranak Puku Entara Thailand enggau Sarawak di Pullman tadi.
Ubah Kabinet Sarawak kemari Jerip meruan nyadi Menteri Muda Perengka Pengangkut.
