ARTIKEL

NGAUL RAYAT… Mohamad Duri begambar ungkup kenang enggau peranak Rumah Panjai Sait, Jelupang Baruh ditu, sehari tu

Peminta rayat sigi dikemerat, enda dikelaung

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

ROBAN: Nyau deka semua genturung pendiau enggau rumah panjai ba Kunsil Nengeri (DUN) Kalaka minta ngaga enggau nyeleti sistem parit ba sitak sida.

Nya alai, ADUN Kalaka, Mohamad Duri madah, beguna amat agih belanja ba baruh Program Transformasyen Menua Pesisir (RTP) diagih nitih peminta enggau guna.

“Laban pangku pengawa tu chukup besai, nya alai, nyangka sekeda peminta tu deka diperati tumu lalu sekeda ti bukai deka laun mimit.

“Taja pia, nadai siti peminta digaga tuai komuniti enggau tuai raban bansa (KMKK) dikelaung. Kitai deka beratika semua peminta sida.

“Enti peminta tu apin dikeamat ba taun tu, reti nya, peminta kita deka dikeamat taun baru,” ku iya pengudah ngatur penemuai gawa ngagai Rumah Panjai Sait, Jelupang Baruh ditu, sehari tu.

Terang iya, sistem parit ti meruan ba genturung pendiau enggau rumah panjai beguna amat dikena nyeliah ai betadu enggau meri pemaik ngagai utai tanam.

Iya madah baru, naka diatu, mayuh parit baru ti manah agi udah digaga ngena agih belanja RTP.

Rambau ngabas rayat nya, Mohamad Duri bepeluang matau peminta kemaya hari rayat ti patut diberi perati.

“Ba Rumah Panjai Sait, aku bisi dipadah bekaul peminta ngaga parit besai ba rumah panjai sida.

“Bepelasar perambu, projek parit dipinta sida endang parit semin empat kaki pemesai sekali enggau crossover.

“Aku udah berandau enggau sida lalu aku deka masukka peminta tu ba rintai projek STP taun baru,” ku iya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU